मुलासोबत फोटो पोस्ट करत मलायका म्हणाली…, अभिनेत्रीची भावूक पोस्ट चर्चेत

अभिनेत्री मलायका अरोरा आणि अभिनेता अरबाज खान यांचा घटस्फोट झाला आहे. पण घटस्फोटानंतर देखील दोघे अनेक ठिकाणी एकत्र दिसतात. घटस्फोटानंतर देखील मलायका आणि अर्जुन फक्त एका व्यक्तीसाठी एकत्र येतात. ती व्यक्ती दिसरी तिसरी कोणी नाहीतर, त्यांना मुलगा अरहान खान आहे. अरहान याने पॉडकास्टच्या विश्वात पदार्पण केलं आहे. अरहान लवकरच ‘डम्ब बिरयानी’ पॉडकास्ट सीरिजच्या माध्यमातून चाहत्यांच्या भेटीस येणार आहे. शो लॉन्च होण्यापूर्वी शुक्रवारी एका मोठ्या पार्टीचं आयोजन करण्यात आलं होतं.

पार्टीसाठी अरोरा आणि खान कुटुंबाने हजेरी लावली. एवढंच नाहीतर, मुलासाठी अरबाज आणि मलायका पुन्हा एकत्र आले. यावेळी अरबाज याच्यासोबत पत्नी शुरा खान देखील होती. पार्टीमध्ये मलायका, बहीण अमृता अरोरा, सीमा सजदेह यांच्यासोबत अरहान याचे फोटो सोशल मीडियावर व्हायरल होत आहेत.

पार्टी संपल्यानंतर मलायका हिने सोशल मीडियावर मुलासोबत खास फोटो पोस्ट केला आहे. इन्स्टाग्राम स्टोरीवर फोटो मुलासोबत फोटो पोस्ट करत अभिनेत्री म्हणाली, ‘मला तुझ्यावर गर्व वाटत आहे…’ सध्या सर्वत्र फक्त आणि फक्त मलायका हिच्या पोस्टची चर्चा रंगली आहे.

सांगायचं झालं तर, सात दिवसांपूर्वी अरहान याच्या ‘डम्ब बिरयानी’ चा ट्रेलर प्रदर्शित झाला. ट्रेलरला चाहत्यांकडून प्रचंड प्रेम मिळालं. ‘डम्ब बिरयानी’ पॉडकास्ट सीरिजसाठी मलायका आणि अरबाज यांनी मिळून काम केलं आहे. सोहेल खान याने देखील अरहान याच्यासाठी मोठं पाऊल उचललं आहे.

नव्या प्रसावासाठी अरहान याला दिल्या अनेक सेलिब्रिटींनी शुभेच्छा

अरहान खान याला शुभेच्छा देत अभिनेत्री कतरिना कैफ म्हणाली, ‘अरहान ‘डम्ब बिरयानी’ पॉडकास्ट सीरिज प्रचंड मजेदार आहे. मी तुला पाहिलं होतं तेव्हा तू प्रचंड लहान होतास… मला तर वाटतं तू तसाच लहान राहा…’ तर अभिनेता अर्जुन कपूर याने देखील अरहान याला नव्या प्रवासासाठी शुभेच्छा दिल्या आहेत. ‘वेडेपणा… एक मोठा धमाका होणार आहे. मेरी तरह बिरयानी… आता सीरिजच्या प्रतीक्षेत आहे…’ सध्या सर्वत्र अरहान याच्या ‘डम्ब बिरयानी’ पॉडकास्ट सीरिजची चर्चा होत आहे.