Kokancha Ganpati : सागरिका म्युझिकने आणलाय ‘कोकणचा गणपती’, पाहा या खास म्युझिक व्हिडीओचा टीझर
चिंतामणी सोहोनी यांनी 'कोकणचा गणपती' या गाण्याचं संगीत दिग्दर्शन केलं आहे आणि त्यांनीच हे गाणं गायलंसुद्धा आहे. चिंतामणी यांच्या सोबत या गाण्यात महाराष्ट्रातील 3 सुप्रसिद्ध गायक अर्थात वैशाली सामंत, स्वप्नील बांदोडकर आणि अवधूत गुप्ते यांनी आपला स्वरसाज या गाण्याला दिला आहे. तर रघुनाथ मतकरी यांनी या गाण्याचे शब्द लिहिले आहेत. (Sagarika Music brings 'Konkancha Ganpati', watch the teaser of this special music video)
मुंबई : आपल्या लाडक्या गणपती बाप्पाचं (Ganpati Bappa) आगमन अवघ्या काही दिवसांवर येऊन ठेपलेलं आहे. दरवर्षी प्रमाणे यावर्षी सुद्धा बाप्पाच्या भक्तांनी त्यांच्या आगमनाची तयारी प्रत्येक घरा-घरात, राज्यातच नाही तर जगभरात सुरु केली आहे. गणपती बाप्पा बुद्धीचं, विद्येचं आणि कलेचं दैवत आहे. संगीत क्षेत्रासाठी सुद्धा बाप्पा म्हणजे नेहमीच एक पर्वणी असते. बाप्पाची नानाविध रूपं आहेत. नानाविध प्रकारे बाप्पाची पूजा केली जाते. कोकणातील लोकांसाठी हा गणपतीचा म्हणजेच चतुर्थीचा सण अगदी जिव्हाळ्याचा, आपुलकीचा आणि अभिमानाचा विषय असतो. म्हणूनच दरवर्षी मुंबईतले सगळे चाकरमानी गणपतीसाठी अगदी जय्यत तयारी करून कोकणची वाट धरतात.
सागरिका म्युझिक घेऊन आले आहेत ‘कोकणचा गणपती’
संगीत क्षेत्रात आपले वैविध्य आणि वेगळंपण नेहमीच जपणाऱ्या सागरिका म्युझिकनं आता हे पुन्हा एकदा सिद्ध केलं आहे. या वर्षी सागरिका म्युझिक रसिकांसाठी ‘कोकणचा गणपती’ घेऊन आले आहेत. हो ‘कोकणचा गणपती’ हे गाणं ऑडिओ आणि व्हिडीओ या रूपात सागरिका म्युझिक रसिकांसाठी घेऊन आले आहेत.
पाहा कोकणचा गणपती
गाण्याला वैशाली सामंत, स्वप्नील बांदोडकर आणि अवधूत गुप्ते यांनी दिला स्वरसाज
चिंतामणी सोहोनी यांनी या गाण्याचं संगीत दिग्दर्शन केलं आहे आणि त्यांनीच हे गाण गायलं सुद्धा आहे. चिंतामणी यांच्या सोबत या गाण्यात महाराष्ट्रातील 3 सुप्रसिद्ध गायक अर्थात वैशाली सामंत, सर्वांचा लाडका स्वप्नील बांदोडकर आणि अवधूत गुप्ते यांनी आपला स्वरसाज या गाण्याला दिला आहे. तर रघुनाथ मतकरी यांनी या गाण्याचे शब्द लिहिले आहेत.
सोहोनी, वैशाली सामंत, स्वप्नील बांदोडकर आणि अवधूत गुप्ते यांच्यावर चित्रित केलेला व्हिडिओ रिलीज होणार 7 सप्टेंबरला
सागरिका दास यांनी या गाण्याचं दिग्दर्शन केलेलं आहे. या गाण्याचा व्हिडीओ सुद्धा अगदी कोकणातल्या गणपती उत्सवाची आठवण करून देतो. कोकणातली घरगुती गणपतीची सजावट इत्यादी पाहून आपणही अगदी कोकणात असल्याचं वाटतं. या गाण्याचा ऑडिओ 6 सप्टेंबरपासून सर्व streaming प्लॅटफॉर्म्स वर ऐकायला मिळेल तर चिंतामणी सोहोनी, वैशाली सामंत, स्वप्नील बांदोडकर आणि अवधूत गुप्ते यांच्यावर चित्रित केलेला व्हिडिओ 7 सप्टेंबर ला सागरिका म्युझिकच्या मराठी YouTube channel वर पाहता येईल.
संबंधित बातम्या