Mirzapur 3 Twitter Review: सीरिजमध्ये कालिन भैय्या फक्त शो-पीस… प्रेक्षकांमध्ये नाराजी

‘गजब भौकाल है रे बाबा…।’ हे आम्ही नाही तर, खुद्द प्रेक्षक म्हणत आहेत. मिर्झापूर सीझन 3′ 5 जुलै रोजी प्राईम व्हिडीओवर प्रदर्शित झाला आहे. ‘मिर्झापूर’ सीरिजच्या पहिल्या दोन सीझनला प्रेक्षकांनी भरभरुन प्रेम दिलं. आता सीरिजच्या तिसऱ्या सीझनला प्रेक्षकांकडून संमिश्र प्रतिसाद मिळत आहे. ‘मिर्झापूर’ सीरिजचा तिसरा सीझन रटाळ आहे असं देखील अनेक जण म्हणत आहेत. सोशल मीडियावर प्रेक्षक प्रतिक्रिया देखील देत आहेत. तर प्रेक्षकांच्या प्रतिक्रिया पाहून ‘मिर्झापूर’ सीरिजचा तिसरा सीझन कसा आहे जाणून घेऊ…

सांगायचं झाले गेल्या काही दिवसांपासून प्रेक्षक ‘मिर्झापूर 3’ सीरिजच्या प्रतिक्षेत होते. पण सीरिज प्रदर्शित झाल्यानंतर चाहत्यांनी संमिश्र प्रतिक्रिया दिली आहे. सीरिजमधील सातवा एपिसोड बकावास असल्याचं देखील प्रेक्षकांनी सांगितलं आहे. सध्या सर्वत्र फक्त आणि मिर्झापूर 3′ सीरिजची चर्चा रंगली आहे.

‘मिर्झापूर 3’ पाहिल्यानंतर एक नेटकऱ्यांने कमेंटमध्ये लिहिलं, ‘बाबूजी का ही बेटा है। मिर्जापुर सीजन 3 गजब भौकाल है रे बाबा। कंट्रोल, पावर, इज्जत।’, तर दुसऱ्या एका नेटकऱ्याने बीना त्रिपाठी आणि नोकराणीचा एका व्हिडीओ पोस्ट केला आहे. व्हिडीओमध्ये कालिन भैय्याचा मुलगा डिस्कव्हरी पाहाता-पाहात रडताना दिसत आहे. व्हिडीओ पाहिल्यानंतर नेटकरी म्हणाले, ‘बाऊजी का ही बेटा है।’

‘मिर्झापूर सीझन 3’ च्या सुरुवातीलाच मुन्ना भैय्या याचं निधन झाल्याचं दाखवण्यात आलं आहे. त्याचा मृतदेह तिथे ठेवण्यात आला आहे, मुन्ना भैय्या याचं निधन झाल्याचं पाहिल्यानंतर चाहत्यांना मोठा धक्का बसतो. तर पूर्ण सीझनमध्ये कालीन भैय्या एका शो-पीससारखा असल्याचं प्रेक्षकांचं म्हणणं आहे. जुन्या कालाकारांना योग्य प्रकारे दाखवण्यात आलेलं नाही.. असं देखील नेटकऱ्यांचं म्हणणं आहे.

‘मिर्झापूर सीझन 3’ सीरिजसाठी नेटकऱ्यांनी दिली 2 रेटिंग

एक नेटकरी म्हणाला, ‘फार काही राहिलं आहे… 3 मध्ये फार उत्साह वाटला नाही. जो 1 आणि 2 मध्ये होता.’, ‘कोणता चांगला डायलॉग नाही… मी 5 मधून फक्त 2 रेटिंग देईल…’, काहींनी तर, मुन्ना भैय्याचे फोटो पोस्ट करत ‘मुन्ना भैय्या अमर रहे…’ असं लिहिलं आहे.