Ileana D’Cruz | ‘अरे हा तर रॉकी भाई’; इलियानाच्या बॉयफ्रेंडचा फोटो पाहून नेटकऱ्यांना का आली KGF ची आठवण?
दाढी पाहून नेटकऱ्यांना चक्क 'केजीएफ'मधल्या रॉकी भाईची आठवण झाली आहे. 'अरे हा तर रॉकी भाई' असं एकाने लिहिलं. तर 'माफ करा, पण मला हा केजीएफमधला रॉकी भाईच वाटतोय' असं दुसऱ्याने म्हटलंय.
अभिनेत्री इलियाना डिक्रूझने प्रेग्नंसीची घोषणा केल्यापासून तिच्या बाळाचा होणारा पिता कोण आहे, हे जाणून घेण्याची प्रचंड उत्सुकता चाहत्यांमध्ये आहे. नुकताच तिने तिच्या बॉयफ्रेंडसोबतचा फोटो पोस्ट केला आहे. या फोटोवर काही नेटकऱ्यांनी भन्नाट प्रतिक्रिया दिल्या आहेत.
इलियानाने पोस्ट केलेल्या या फोटोत तिच्या बॉयफ्रेंडचा चेहरा स्पष्ट दिसत नाहीये. मात्र दाढी पाहून नेटकऱ्यांना चक्क 'केजीएफ'मधल्या रॉकी भाईची आठवण झाली आहे. 'अरे हा तर रॉकी भाई' असं एकाने लिहिलं. तर 'माफ करा, पण मला हा केजीएफमधला रॉकी भाईच वाटतोय' असं दुसऱ्याने म्हटलंय.
गेल्या काही दिवसांपासून इलियाना ही अभिनेत्री कतरिना कैफचा भाऊ सेबॅस्टियन लॉरेंट मिशेलला डेट करत असल्याची चर्चा होती. विकी कौशल आणि कतरिना कैफ यांच्यासोबत हे दोघं पार्टी करतानाही दिसले होते. त्यामुळे बाळाचा होणारा पिता हा सेबॅस्टियन तर नाही ना, असाही सवाल काही नेटकऱ्यांनी केला आहे.
इलियाना बरीच वर्षे अँड्र्यू नीबोन या ऑस्ट्रेलियन फोटोग्राफरला डेट करत होती. हे दोघं लग्न करणार अशीही चर्चा होती. मात्र 2019 मध्ये त्यांचा ब्रेकअप झाला. त्यानंतर इलियानाचं नाव कतरिनाच्या भावाशी जोडलं गेलं.
नुकतेच तिने बेबीमूनचे फोटो सोशल मीडियावर पोस्ट केले होते. त्यात पहिल्यांदा इलियानाचा मिस्ट्री मॅन पहायला मिळाला होता. डिनर डेटचा हा फोटो होता आणि त्यात इलियनाच्या हातावर डायमंड रिंगसुद्धा पहायला मिळाली. मात्र तिचा हा बॉयफ्रेंड कोण आहे यावरून अद्याप पडदा उचलण्यात आला नाही.