Neena Gupta | ‘वाढदिवसाच्या शुभेच्छा नाही तर माझ्या निधनावर शोक…’, नीना गुप्ता यांच्या वक्तव्याने चाहते हैराण

मुंबई | अभिनेत्री नीना गुप्ता कायम त्यांच्या खासगी आणि प्रोफेशनल आयुष्यामुळे चर्चेत असतात. बॉलिवूडमध्ये स्वतःची ओळख निर्माण करण्यापासून ते ‘सिंगल मदर’ म्हणून नीना गुप्ता यांचा प्रवास फार कठीण होता. खुद्द नीना गुप्ता यांनी त्यांच्या आयुष्यात आलेले अनेक चढ -उतार चाहत्यांसोबत शेअर केले आहेत. सध्या सर्वत्र नीना गुप्ता आणि त्यांच्या आयुष्याबद्दल अनेक चर्चा रंगत आहेत. नुकताच नीना गुप्ता यांनी वाढदिवस साजरा केला. अनेक चाहत्यांनी नीना गुप्ता यांना वाढदिवसाच्या शुभेच्छा दिल्या. दरम्यान, आईच्या वाढदिवसाच्या दिवशी नीना गुप्ता यांची मुलगी मसाबा गुप्ता हिने आईचा एक व्हिडीओ सोशल मीडियावर पोस्ट केला आहे. ज्यामध्ये लेकीने नीना गुप्ता यांनी भेट दिली, पण नीना यांनी निधनाबद्दल मोठं वक्तव्य केलं..

आईच्या वाढदिवसाच्या निमित्ताने मसाबा म्हणाली, ‘आज तुमचा वाढदिवस आहे…’ पुढे नीना गुप्ता म्हणाल्या, ‘हा माझा वाढदिवस आहे.. माझ्या वाढदिवसाच्या निमित्ताने दिलेल्या भेटवस्तूसाठी धन्यवाद… ‘ सध्या मसाबा गुप्ता हिने पोस्ट केलेला व्हिडीओ सोशल मीडियावर तुफान व्हायरल होत आहे. एवढंच नाही तर, चाहते त्यांच्या व्हिडीओवर लाईक्स आणि कमेंटचा वर्षाव करत आहेत.

पुढे व्हिडीओमध्ये मसाबाने आईला विचारलं, ‘वाढदिवसाच्या दिवशी काय विचार आहेत…’, यावर खिल्ली उडवत नीना म्हणाल्या, ’60 वर्षांनंतर वाढदिवस आला की मला असं वाटतं.. लोकांनी वाढदिवसाच्या शुभेच्छा ऐवजी निधनावर शोक व्यक्त केला पाहिजे. कारण आता वय कमी होत आहे… म्हणजे… जगण्याचे वय! त्यामुळे कोणत्याही प्रकारचं सेलिब्रेशन नाही.’

पुढे नीना गुप्ता म्हणाला, ‘सेलिब्रेशन नाही.. घरात बसली आहे.. एसी रुममध्ये कुटुंबासोबत.. आज आवडीचे पदार्थ बनवेल आणि खाईल…बस इतकंच… ‘ आईचा व्हिडीओ पोस्ट करत मसाबाने कॅप्शनमध्ये, ‘नीना यांचा वाढदिवस आहे – प्रत्येकजण वाढदिवसाच्या शुभेच्छा देवू शकतो…’

नीना गुप्ता यांच्या खासगी आयुष्याबद्दल प्रत्येकाला माहिती आहे. व्हिव्हियन रिचर्ड्स यांनी साथ सोडल्यानंतर नीना यांनी सिंगल मदर म्हणून लेकीचा सांभाळ केला. एवढंच नाहीतर, नीना यांनी विवाहित पुरुषाच्या प्रेमात पडू नका असा सल्ला देखील अनेक मुलींना दिला. अखेर २००८ मध्ये नीना गुप्ता यांनी वयाच्या ५४ व्या वर्षी विवेक मेहरा यांच्यासोबत लग्न केलं. आज वयाच्या ६४ व्या वर्षी देखील नीना गुप्ता अभिनय क्षेत्रात सक्रिय आहेत. ‘बधाई हो’ सिनेमानंतर ‘पंचायत’ या वेब सीरिजमुळे त्यांच्या लोकप्रियतेत प्रचंड वाढ झाली.