करीना कपूर नाही ‘ही’ परदेशी महिला असती सैफची दुसरी पत्नी, अभिनेत्याच्या चुकीमुळे…

अभिनेत्री करीना कपूर हिचा आज वाढदिवस असल्यामुळे सर्वत्र अभिनेत्रीच्या खासगी आणि प्रोफेशनल आयुष्याची चर्चा रंगली आहे. करीना ही अभिनेता सैफ अली खान याची दुसरी पत्नी आहे. सैफचं पहिलं लग्न अभिनेत्री अमृता सिंग हिच्यासोबत झालं होतं. सैफ – अमृता यांना एक मुलगी आणि एक मुलगा देखील आहे. मुलांच्या जन्मानंतर दोघांनी विभक्त होण्याचा निर्णय घेतला. लग्नाच्या 12 वर्षांनंतर सैफ – अमृता यांनी विभक्त होण्याचा निर्णय घेतला. 2004 मध्ये सैफ – अमृता यांचा घटस्फोट झाला.

अमृता हिच्यासोबत घटस्फोट झाल्यानंतर सैफच्या नावाची चर्चा करीना सोबत होऊ लगली. एवढंच नाही तर, करीनामुळेच सैफचा घटस्फटो झाला… अशा चर्चांनी देखील जोर धरला. पण सैफ – अमृता यांच्यामध्ये करीना कधी आलीच नव्हती. अमृता हिच्यासोबत घटस्फोट झाल्यानंतर सैफच्या आयुष्यात परदेशी अभिनेत्री रोझा कॅटालानो हिची एन्ट्री झाली. पण दोघांचं नातं फार काळ टिकलं नाही.

मिळालेल्या माहितीनुसार, सैफ अली खान एका सिनेमाच्या शूटिंगसाठी परदेशात गेला होता. जिथे अभिनेता रोझा कॅटालानोला भेटला. यानंतर दोघेही एकमेकांना डेट करू लागले. पण हे नातं वाचवण्यासाठी सैफ अली खानने त्याच्या आयुष्याशी संबंधित अनेक खासगी गोष्टी गर्लफ्रेंडपासून लपवल्या होत्या.

सैफ याचं लग्न झालं असून त्याला दोन मुलं आहेत… हे सत्य रोझा हिला माहिती नव्हतं. जेव्हा रोझा मुंबईत आली तेव्हा तिला सर्व काही कळलं. त्यानंतर सैफ आणि रोझा यांचं नातं संपलं. सैफ आणि रोझा यांनी एकमेकांना 2 वर्ष डेट केलं. त्यानंतर रोझा कुठे आहे आणि काय करते याबद्दल काहीही कळलं नाही.

रोझा हिच्यासोबत ब्रेकअप झाल्यानंतर सैफच्या आयुष्यात करीना कपूर हिची एन्ट्री झाली. सैफ – करीना यांनी एकमेकांना 5 वर्ष डेट केलं. त्यानंतर 2012 मध्ये कुटुंबियांच्या उपस्थितीत दोघांनी लग्न केलं. आज करीना कपूर आणि सैफ अली खान एकमेकांसोबत आनंदी वैवाहिक आयुष्य जगत आहेत. करीना – सैफ यांच्या मोठ्या मुलाचं नाव तैमूर आणि लहान मुलाचं नाव जेह असं आहे.