Kill Chori | श्रद्धा कपूर आणि भुवन बामच्या जोडीची कमाल, ‘किल छोरी’ गाण्याची युट्युबवर धमाल!
YouTuber भुवन बाम (Bhuvan Baam) आणि बॉलिवूड अभिनेत्री श्रद्धा कपूर (Shraddha Kapoor) यांचा म्युझिक व्हिडीओ ‘किल छोरी’ (Kill Chori) रिलीज झाल्यापासून प्रचंड व्हायरल होऊ लागला आहे. ‘किल छोरी’ नावाचा हा म्युझिक व्हिडीओ दिवाळीच्या मुहूर्तावर रिलीज करण्यात आला आहे.
मुंबई : YouTuber भुवन बाम (Bhuvan Baam) आणि बॉलिवूड अभिनेत्री श्रद्धा कपूर (Shraddha Kapoor) यांचा म्युझिक व्हिडीओ ‘किल छोरी’ (Kill Chori) रिलीज झाल्यापासून प्रचंड व्हायरल होऊ लागला आहे. ‘किल छोरी’ नावाचा हा म्युझिक व्हिडीओ दिवाळीच्या मुहूर्तावर रिलीज करण्यात आला आहे. या व्हिडीओमध्ये भुवन बाम पहिल्यांदाच बॉलिवूड अभिनेत्रीसोबत डान्स करताना दिसत आहे. या दोघांची जोडी प्रेक्षकांमध्ये धुमाकूळ घालत आहे.
यूट्यूबवर ‘किल छोरी’ गाणे ट्रेंडिंग!
‘किल छोरी’ गाणे रिलीज झाल्यापासून हे यूट्यूबवर ट्रेंड करत आहे. ट्रेंडिंग लिस्टमध्ये ते अव्वल स्थानावर आहे. तसेच, याला अवघ्या 24 तासांत 20 दशलक्ष व्ह्यूज मिळाले आहेत. दिवाळीच्या अनुषंगाने हे गाणे चित्रित करण्यात आले आहे. हे यंदाचे दिवाळीचे स्पेशल गाणे बनू शकते. यात भुवन बाम आणि श्रद्धा यांची लव्ह केमिस्ट्री दाखवण्यात आली आहे. गाण्यात श्रद्धा कपूर खूप सुंदर दिसत आहे, तर भुवन बाम देखील खूप सुंदर दिसत आहे.
भुवन हा भारतातील सर्वात मोठा YouTuber मानला जातो. त्याची लोकप्रियता यूट्यूबवरील एखाद्या मोठ्या सेलिब्रिटीपेक्षा कमी नाही. श्रध्दा सारखी स्टार सोबत आली, की धमाल तर होणारच ना! या व्हिडीओमध्ये भुवन गुलाबी रंगाच्या ड्रेसमध्ये आणि श्रद्धा मरून कलरच्या ड्रेसमध्ये एकमेकांसोबत डान्स करताना दिसत आहे.
पाहा गाणे :
भुवनची ‘धिंडोरा’ वेब सीरीजही चर्चेत!
युट्यूबर भुवन बामही सध्या त्याच्या ‘धिंडोरा’ या वेब सीरीजमुळे खूप चर्चेत आहे. त्याची ही वेब सीरीज प्रेक्षकांना खूप आवडते आहे. त्याच्या प्रमोशन दरम्यान भुवनने सर्व मोठे YouTubers एकत्र केले होते. भुवनच्या या मालिकेच्या प्रमोशनसाठी सर्वजण एकत्र आले होते. या सीरीजचे 3 भाग यूट्यूबवर स्ट्रीम केले जात आहेत.
भुवन बाम आणि श्रद्धा कपूरचे हे गाणे फ्री फायर इंडिया ऑफिशियलच्या यूट्यूबवर रिलीज करण्यात आले आहे. ‘किल चोरी’ हे गाणे अॅश किंग आणि निकिता गांधी यांनी गायले आहे आणि संगीत सचिन जिगर यांचे आहे. त्याचे बोल वायुने लिहिले आहेत. सचिन जिगर यांनी एका वेबसाईटला दिलेल्या मुलाखतीत सांगितले की, आम्हाला एक विनोदी गाणे आणायचे होते, ज्यामध्ये पार्टीचा मूड असेल. आम्हाला आशा आहे की प्रेक्षकांना ते आवडेल. नेहमीप्रमाणे, रसिक माझ्यावर प्रेमाचा वर्षाव करतील.
हेही वाचा :
आधी मारहाणीचा आरोप, मग घटस्फोट, आता स्नेहा वाघ पूर्वपतीला म्हणतेय ‘मला तुझ्या लग्नाला बोलव!’
