‘मूर्त स्वरूपातील दीदी गेल्या असल्या तरी…’, राज ठाकरे यांचं लतादीदींना विनम्र अभिवादन

'मूर्त स्वरूपातील दीदी गेल्या असल्या तरी...', राज ठाकरे यांचं लतादीदींना विनम्र अभिवादन

Lata Mangeshkar Death Anniversary : भारताच्या गानकोकिळा लता मंगेशकर म्हणजेच आपल्या लतादीदी यांच्या निधनाला आज एक वर्ष पूर्ण झालं. पण तरी देखील दीदी आपल्यामध्ये आजही आहेत… अशी भावना प्रत्येक भारतीयाच्या मनात आहेत. लतादीदी यांनी कायम संगीतावर प्रेम केलं आणि त्यांच्या गाण्यातून, आवाजातून इतरांना प्रेम करायला शिकवलं. आज अनेकांच्या प्रेरणास्थानी दीदी आहे. दीदीच्या आठवणीत आज प्रत्येक भारतीय जगत आहे. ६ फेब्रुवारी २०२२ मध्ये लतादीदी यांनी ब्रीच कँडी रुग्णालयात अखेरचा श्वास घेतला आणि एका पर्वाचा अंत झाला. त्यांच्या निधनाला वर्ष झालेल्यानंतर अनेकजण दीदींच्या आठवणीत भावुक झाले आहेत. (lata mangeshkar last song)

लता मंगेशकर यांच्या पहिल्या पुण्यतिथीनिमित्ताने महाराष्ट्र नवनिर्माण सेनेचे अध्यक्ष राज ठाकरे (Raj Thackeray) यांनी देखील ट्विटरवर एक पोस्ट करत दीदींना अभिवादन केलं आहे. पोस्टमध्ये राज ठाकरे यांनी एक दीदींचा एक फोटो देखील पोस्ट केला. फोटो पोस्ट करत राज ठाकरे यांनी लता दीदींच्या स्मृतीस विनम्र अभिवादन…. असं म्हटलं आहे. (lata mangeshkar sister)

शिवाय राज ठाकरे यांनी पोस्टमध्ये दीदींच्या आठवणी ताज्या केल्या आहेत. ‘मूर्त स्वरूपातील दीदी गेल्या असल्या तरी अमूर्त स्वरुपातील दीदी कायम राहणार आहेत.’ भावना व्यक्त करत राज ठाकरे म्हणाले… ‘दीदींच्या आठवणी आहेत राहतील पण त्याहून अधिक खोल त्या माझ्यासकट करोडो लोकांच्या जाणिवांमध्ये राहतील…’ सध्या राज ठाकरे यांची पोस्ट सर्वत्र तुफान व्हायरल होत आहे. (lata mangeshkar total songs)

भारतीय संगीतविश्वात लतादीदी यांचं योगदान अत्यंत मोलाचं. संगीत कलाकार म्हणून त्यांनी अनेक गाणी गायली. लतादीदी यांनी त्यांच्या कारकिर्दीची सुरुवात १९४२ मध्ये केली. दीदींनी ९०० पेक्षा अधिक हिंदी सिनेमांमध्ये गाणी गायली.

आज दीदी आपल्या नसल्यातरी त्यांच्या आठवणी मात्र कायम आपल्यासोबत असतील. कारण एका कलाकाराचं निधन कधीच होत नाही. कलाकाराची कला कायम जिवंत असते. लतादीदी देखील त्यांच्या संगीताच्या माध्यमातून प्रत्येत भारतीयाच्या मनात आहेत.

लता मंगेशकर यांचा जन्म २८ सप्टेंबर १९२९ सली मध्ये मध्य प्रदेशातील इंदूर शहरात दीनानाथ मंगेशकर यांच्या घरात झाला होता. लता मंगेशकर दीनानाथ मंगेशकर यांच्या सर्वात मोठ्या कन्या होत्या. लतादीदी यांच्यानंतर मीना, आशा आणि उषा यांचा जन्म झाला. त्यानंतर भाऊ हृदयनाथ मंगेशकर यांचा जन्म झाला.