‘सोनपरी’चं रियुनियन… आता कशी दिसते फ्रुटी, खास फोटो पोस्ट करत म्हणाली…

लहानपणीचे दिवस प्रत्येकाला आवडतात. पण 90 दशकातील मुलांना काही आठवणी कधीच विसरता येणार नाहीत. ‘सोनपरी’, ‘शाका लाका बुमबुम’, ‘शक्तीमान’, ‘करिश्मा का करिश्मा’ यांसारख्या भन्नाट मालिकांमुळे बालपण आणि खास ठरलं. ‘सोनपरी’ मालिकेने तर अनेकांच्या मनावर राज्य केलं. आजही मालिकेची चर्चा 90 च्या दशकातील मुलांमध्ये रंगलेली असते. एवढंच नाही तर, बालपणी शाळेत ‘सोनपरी’ मालिकेवर चर्चा रंगायची. मालिकेला जवळपास 24 वर्ष झाली आहे. पण चाहत्यांच्या मनात मालिकेसाठी असलेली क्रेझ कमी झालेली नाही.

मालिकेत अभिनेत्री मृणाल कुलकर्णी यांनी ‘सोनपरी’ ही भूमिका साकारली होती. अभिनेते अशोक लोखंडे यांनी अल्टू अंकल भूमिकेला न्याय दिला. तर फ्रुटी ही भूमिका तन्वी हेगडे हिने बजावली होती. तन्वी जवळ कायम तिचे अल्टू अंकल आणि सोनपरी असायचे. मालिके दिसणारी फ्रुटी आता मोठी झाली आहे. 24 वर्षांनंतर तन्वी हिने अल्टू अंकल आणि सोनपरी यांच्यासोबत फोटो पोस्ट केला आहे.

अल्टू अंकल आणि सोनपरी यांच्यासोबत फोटो पोस्ट करत तन्वी हिने खास कॅप्शन देखील दिलं आहे. सध्या सर्वत्र फक्त आणि फक्त फ्रुटी हिच्या पोस्टची चर्चा रंगली आहे. फोटो पोस्ट तन्वी म्हणाली, ‘अनेक जण मला विचारतात तुम्ही आजही भेटता का, एकमेकांच्या संपर्कात आहात का, पुन्हा एकत्र कधी दिसाल… आज आम्ही तुमची इच्छा पूर्ण केली. हे माझे सेटवरचे पालक आहेत आणि बेस्ट सहकलाकार… आठलणींना उजाळा मिळाला…’ असं तन्वी म्हणाली.

सांगायचं झालं तर, तन्वी ‘वरवरचे वधू’ नाटक पाहण्यासाठी आली होती. तेव्हाच तन्वी, मृणाल आणि अशोक यांची भेट झाली. तेव्हाच तिघांना एकत्र फोटो क्लिक आणि चाहत्यांना एक खास झलक दाखवली. तिघांच्या फोटोवर चाहते लाईक्स आणि कमेंटचा वर्षाव करत आहेत. एक नेटकरी म्हणाला, ‘लहानपणीच्या आठवणी…’, ‘आठवणी पुन्हा जगता आल्या तर…’, तिसरा नेटकरी म्हणाला, ‘कमबॅक करण्याची विनंती आहे.’, अन्य एक नेटकरी म्हणाला, ‘आणखी एक सीझन…’, असं म्हणत चाहत्यांनी प्रेम व्यक्त केलं.