सिद्धार्थ शुक्ला याच्या निधनानंतर Shehnaaz Gill आयुष्याच्या पुढच्या टप्प्यासाठी तयार? अभिनेत्रीचा मोठा खुलासा

मुंबई : अभिनेत्री शहनाज गिल सध्या अभिनेता सलमान खान स्टारर ‘किसी का भाई किसी की जान’ सिनेमामुळे चर्चेत आहे. सिनेमात शहनाज महत्त्वाच्या भूमिकेतून प्रेक्षकांच्या भेटीस आली. पण एक काळ असा होता जेव्हा अभिनेत्री तिच्या खासगी आयुष्यामुळे तुफान चर्चेत आली होती. दिवंगत अभिनेता सिद्धार्थ शुक्ला याच्यासोबत शहनाज रिलेशनशिपमध्ये होती. दोघांच्या लग्नाच्या चर्चा देखील चाहत्यांमध्ये तुफान रंगल्या. शिवाय चाहत्यांनी देखील दोघांच्या जोडीला डोक्यावर घेतलं. ‘बिग बॉस’च्या घरात देखील दोघांची केमिस्ट्री चाहत्यांना प्रचंड आवडली. पण सिद्धार्थच्या निधनानंतर शहनाज पूर्णपणे कोलमडली होती.

अशात, ‘किसी का भाई किसी की जान’ सिनेमाच्या प्रमोशन दरम्यान भाईजान याने शहनाजला Move On करण्याचा सल्ला दिला होता. ज्यामुळे सलमान आणि शहनाज तुफान चर्चेत आले होते. सिद्धार्थच्या निधनानंतर शहनाज कित्येक दिवस सोशल मीडिया आणि माध्यमांपासून दूर होती. आजही चाहत्यांच्या मनात दोघांना एकत्र पाहण्याची इच्छा असते. अशात विनोदवीर कपिल शर्मा याच्या ‘द कपिल शर्मा शो’मध्ये शहनाजने आयुष्यात पुढे जाण्यासाठी तयार असल्याचं सांगितलं आहे. सध्या सर्वत्र अभिनेत्रीची चर्चा रंगत आहे.

सिनेमाच्या प्रमोशनसाठी ‘द कपिल शर्मा शो’मध्ये पोहोचलेल्या शहनाजला कपिलने विचारलं की, ‘तू Move On करण्यासाठी तयार आहेस?’, यावर शहनाज होकार देते. पुढे सलमान खान म्हणतो, ‘म्हण ब्रिंग इट ऑन…’ शहनाज देखील तिच्या अंदाजात म्हणते, ‘ब्रिंग इट ऑन मेन…’ सध्या शहनाज हिचा हा व्हिडीओ सोशल मीडियावर तुफान व्हायरल होत आहे.

सलमान खान पुढे शहनाज हिची बाजू घेत म्हणतो, ‘काही वर्षांपूर्वी सिद्धार्थचं निधन झालं. लोक तरी देखील सिडनाज सिडनाज करत आहेत… सिद्धार्थ आता या जगात नाही.. आणि जिथे कुठे असेल… शहनाजने आयुष्यात पुढे जावं अशीच त्याची इच्छा असणार… तरी देखील लोक सोशल मीडियावर सिडनाज सिडनाज करत असतात…’

पुढे सलमान म्हणाला, ‘आयुष्यभर शहनाज अविवाहित राहिल का? कधीही जगाचं ऐकायचं नाही.. आपल्या मनाचं ऐकायचं… आणि आयुष्यात पुढे जायचं…’ असं सलमान खान शहनाज हिच्यासाठी म्हणाला…

गेल्या काही दिवसांपासून शहनाज आणि राघव जुयाल यांच्या नात्याची तुफान चर्चा रंगत आहे. शहनाज आणि राघव याचे अनेक फोटो आणि व्हिडीओ देखील सोशल मीडियावर तुफान व्हायरल होत असतात. शहनाज आणि राघव ‘किसी का भाई किसी की जान’ सिनेमात एकत्र स्क्रिन शेअर करताना दिसणार आहे. पण शहनाज आणि राघव दोघांनी देखील त्यांच्या नात्याबद्दल अधिकृत घोषणा केलेली नाही.