Salman Khan: ‘या’ महिलेला सलमान खान मानतो संपूर्ण विश्व, व्हिडीओ पोस्ट करत म्हणाला…

Salman Khan Social media Post: अभिनेता सलमान खान याला आज कोणत्याच ओळखीची गरज नाही. अभिनेत्याने अनेक सिनेमांमध्ये एकापेक्षा एक भूमिका साकारत चाहत्यांचं मनोरंजन केलं. भाईजान कायम कोणत्या न कोणत्या कारणामुळे चर्चेत असतो. जगभरात सलमान खान याच्या चाहत्यांची संख्या भार मोठी आहे. पण अभिनेत्यासाठी संपूर्ण जग त्याचं कुटुंब आहे. सलमान खान याच्या आई सलमा खान यांचा वाढदिवस आहे.

आईला वाढदिवसाच्या शुभेच्छा देत सलमान खान याने खास व्हिडीओ पोस्ट केला आहे. व्हिडीओ सध्या सोशल मीडियावर तुफान व्हायरल होत आहे.
सलमान खान याने भाऊ सोहैल खान आणि आई सलमा खान यांचा डान्स करताना एक व्हिडीओ सोशल मीडिया इन्स्टाग्रामवर पोस्ट केला आहे.

व्हिडीओ पोस्ट करत भाईजानने कॅप्शनमध्ये, ‘मम्मी हॅप्पी बर्थडे… मदर इंडिया, आमचं जग…’ असं लिहिलं आहे. सलमान खान याच्या पोस्टवर फक्त चाहतेच नाही तर, सेलिब्रीटी देखील कमेंट करत प्रतिक्रिया देत आहेत.

बॉलीवूडमधील दिग्गज लेखकांची जोडी सलीम खान आणि जावेद अख्तर यांच्या डॉक्युमेंट-सीरीज अँग्री यंग मॅनमध्ये, अरबाज खानने सांगितलं होतं की, सलमा खान यांनी कधीच मुलांना दुसरी आई हेलन यांच्याबद्दल काहीही चुकीचं सांगितलं नाही.

अरबाज खान म्हणाला होता, ‘आमच्या आईने कधीच आमच्या वडिलांविरोधात आम्हाला काही सांगितलं नाही. आईच्या आयुष्यात अनेक अडचणी होत्या. पण त्यांनी कधीच आम्हाला असा विचार करु दिला नाही की, तुमचे वडील कसे आहेत… ते असं काही करतात… असं कधीच झालं नाही…’

पुढे अरबाज म्हणाला, ‘अर्पिता खान आणि अलवीरा खान अग्निहोत्री यांच्यापासून कुटुंबातील प्रत्येक लहान सदस्य हेलन यांना आंटी म्हणून हाक मारतो… जेव्हा हेलन आमच्या आयुष्यात आल्या तेव्हापासून आम्ही त्यांना आंटी म्हणून हाक मारतो… हेलन यांना देखील आम्ही आमच्या आईप्रमाणे मानतो… त्या देखील आता आमच्या आयुष्याचा एक भाग आहेत… आमची आई देखील हेलन यांच्या प्रत्येक आवडी-निवडीची काळजी घेत असते…’ असं देखील अरबाज खान शोमध्ये म्हणाला होता.