Sania Mirza: ‘आयुष्य खराब झालंय…’, सानिया मिर्झाने घटस्फोटानंतर मुलांसाठी लिहिली भावुक पोस्ट

मुंबई | 3 फेब्रुवारी 2024 : भारतीय टेनिस स्टार सानिया मिर्झा आणि पाकिस्तानी क्रिकेटर शोएब मलिक यांच्या घटस्फोटाच्या वृत्ताने सर्वांनाच मोठा धक्का बसला. भारतात आणि पाकिस्तानमध्ये सध्या सानिया – शोएब यांच्या घटस्फोटाची चर्चा रंगली आहे. पाकिस्तानातून देखील शोएब याच्या तिसऱ्या लग्नाला विरोध होत आहे. तर सानिया मिर्झा हिच्या बाजूने संपूर्ण राष्ट्र उभं असल्याची चर्चा सोशल मीडियावर रंगत आहे. खुद्द शोएब याने तिसऱ्या लग्नाचे फोटो सोशल मीडियावर पोस्ट केले. तर सानिया मिर्झा हिने मुलांसोबत फोटो पोस्ट केला आहे.

फोटोमध्ये सानिया मुलांसोबत बसलेली दिसत आहे. मुलांसोबत खास फोटो पोस्ट करत सानिया हिने कॅप्शनमध्ये ‘लाईफलाईन’ असं लिहिलं आहे. सोशल मीडियावर सध्या फक्त आणि फक्त सानिया हिची चर्चा रंगली आहे. नेटकरी सानिया हिच्या पोस्टवर लाईक्स आणि कमेंटचा वर्षाव करत आहेत.

सानियाच्या सोशल मीडिया पोस्टवर कमेंट करत एक नेटकरी म्हणाला, ‘सानिया तू काळजी करु नकोस, संपूर्ण राष्ट्र तुझ्यासोबत आहे.’, दुसरा नेटकरी कमेंट करत म्हणाला, ‘आयुष्य खराब झालं एकामुळे…’ तर अनेकांनी शोएब याच्यावर संताप व्यक्त केला आहे.

सानिया कायम तिचं खासगी आयुष्य गुपित ठेवतं. पण सानिया सोशल मीडियावर कायम सक्रिय असते. सोशल मीडियाच्या माध्यमातून सानिया तिच्या भावना चाहत्यांना सांगत असते. शोएब याने तिसरं लग्न केल्यामुळे सानिया चर्चेत आली आहे.

शोएब याच्या विवाहबाह्य संबंधांना कंटाळून सानिया हिने पतीला घटस्फोट दिल्याची माहिती समोर येत आहे. सानिया हिच्यासोबत शोएब याचं दुसरं लग्न होतं. पण दोघांचं नातं फार काळ टिकलं नाही. सानिया आणि शोएब यांना एक मुलगा आहे. त्यांच्या मुलाचं नाव इझान आहे.

शोएब मलिक आणि त्याचे अफेअर

आधी मॉडेल आयेशा ओमरसोबत शोएबचं नाव जोडलं जात होते. दोघांचे अनेक फोटो देखील सोशल मीडियावर तुफान व्हायरल झाले होते. मात्र तिने या चर्चा फेटाळल्या होत्या. सांगायचं झालं तर, 2022 पासून शोएब याच्या अफेअरच्या चर्चा रंगल्या आहेत. 2010 मध्ये सानिया मिर्झा आणि शोएब मलिक यांचं लग्न झालं होतं.