Sanjay Dutt Injured News : संजय दत्तकडून व्हायरल होत असलेल्या बातमीवर खुलासा
अभिनेता संजय दत्त याला शुटींगदरम्यान गंभीर दुखापत झाल्याच्या बातम्या व्हायरल होत होत्या. त्यावर आता खुद्द संजय दत्तने खुलासा केला आहे.
मुंबई : बॉलिवूडचा अभिनेता संजय दत्तच्या चाहत्यांसाठी एक महत्त्वाची बातमी पुढे आली आहे. अभिनेता संजय दत्त कन्नड चित्रपट ‘केडी: द डेव्हिल’साठी बंगळुरू जवळ शूटिंग करत असताना त्याला दुखापत झाली आहे अशी बामती आज व्हायरल होत होती. शूटिंगदरम्यान बॉम्बस्फोटाचा सीन शूट केला जात असताना संजय दत्तला दुखापत झाल्याचं म्हटलं जातं होतं. पण संजय दत्त याने यावर खुलासा केला आहे.
संजय दत्त याने ट्विट करत म्हटले की, “मी जखमी झाल्याच्या बातम्या येत आहेत. मी सर्वांना आश्वस्त करू इच्छितो की ते पूर्णपणे निराधार आहेत. देवाच्या कृपेने मी बरा आणि निरोगी आहे. मी केडी आणि चित्रपटाचे शूटिंग करत आहे. दृश्यांचे चित्रीकरण करताना टीमने जास्त काळजी घेतली आहे.” “आपल्यापर्यंत पोहोचल्याबद्दल आणि आपल्या काळजीबद्दल सर्वांचे आभार”
There are reports of me getting injured. I want to reassure everyone that they are completely baseless. By God’s grace, I am fine & healthy. I am shooting for the film KD & the team’s been extra careful while filming my scenes. Thank you everyone for reaching out & your concern.
— Sanjay Dutt (@duttsanjay) April 12, 2023
संजय दत्त ‘केडी: द डेव्हिल’ चित्रपटात नकारात्मक भूमिकेत दिसणार आहे. या चित्रपटात ध्रुव सर्जा मुख्य भूमिकेत आहे. संजय दत्त याने याआधीही अनेक चित्रपटांमध्ये नकारात्मक भूमिका केल्या आहेत. ज्यामुळे तो चांगलाच चर्चेत राहिला आहे. ‘KGF Chapter 1’ आणि ‘KGF Chapter 2’ व्यतिरिक्त ‘अग्निपथ’ चित्रपटात त्याची भूमिका चांगलीच चर्चेत राहिली आहे.
संजय दत्त हा रणबीर कपूरसोबत ‘शमशेरा’ चित्रपटात देखील दिसला होता. चाहत्यांना या चित्रपटाकडून खूप अपेक्षा होत्या, पण हा चित्रपट प्रदर्शित होताच बॉक्स ऑफिसवर अपयशी ठरला.
