‘मन्नत’बाहेर जमलेल्या असंख्य चाहत्यांसोबत शाहरुख खानचा खास सेल्फी
'माझ्या आजूबाजूला पसरलेला प्रेमाचा समुद्र'; वाढदिवशी शाहरुख खानचा खास सेल्फी
अभिनेता शाहरुख खान आज (2 नोव्हेंबर) त्याचा 57 वा वाढदिवस साजरा करत आहे. त्याच्या वाढदिवसानिमित्त जगभरातील चाहत्यांकडून शुभेच्छांचा वर्षाव होत आहे. असंख्य चाहते दरवर्षी त्याच्या मन्नत या बंगल्याबाहेर किंग खानची वाट पाहत उभे असतात.
आपल्या लाडक्या कलाकाराची एक झलक पाहण्यासाठी चाहते तासनतास मन्नत बंगल्याबाहेर प्रतीक्षा करतात. बुधवारी संध्याकाळी शाहरुखने बंगल्याच्या टेरेसवर येऊन चाहत्यांची भेट घेतली.
याच चाहत्यांच्या समुदायासमोर शाहरुखने सेल्फी क्लिक केला. हा सेल्फी सोशल मीडियावर पोस्ट करत त्याने चाहत्यांचे आभार मानले.
'समुद्रासमोर जगणं खूप आनंददायी आहे.. माझ्या आजूबाजूला पसरलेला प्रेमाचा समुद्र.. धन्यवाद. मी खास आहे याची जाणीव मला करून दिल्याबद्दल मी कृतज्ञ आणि आनंदी आहे', अशा शब्दांत त्याने भावना व्यक्त केल्या आहेत.
यावेळी शाहरुखने त्याची खास पोझसुद्धा चाहत्यांसमोर दिली. शाहरुखने त्याची ही सिग्नेचर स्टेप सर्वांत आधी 'बाजीगर' या चित्रपटात केली होती.
सर्वसामान्यांसोबतच इंडस्ट्रीतील अनेक कलाकारांनी शाहरुखला वाढदिवसाच्या शुभेच्छा दिल्या आहेत. वाढदिवसानिमित्त शाहरुखने त्याच्या चाहत्यांना एक खास भेटसुद्धा दिली आहे. त्याच्या आगामी पठाण या चित्रपटाचा टीझर त्याने प्रेक्षकांच्या भेटीला आणला आहे.