‘शाका लाका बूम बूम’ फेम अभिनेत्रीच्या आयुष्यात दुःखाचा डोंगर, पतीने थाटला तिसरा संसार आणि ‘ती’ मात्र एकटीच

मुंबई | 9 जानेवारी 2024 : प्रेमात पडल्यानंतर प्रत्येकाच्या आयुष्यात अनेक नवे अनुभव येतात. प्रेमात कोणाला जोडीदाराची साथ आयुष्यभरासाठी मिळते, तर काही आयुष्यात मात्र फक्त आणि फक्त कटू आठवणी राहतात. असंच काही टीव्ही विश्वातील प्रसिद्ध अभिनेत्रीसोबत देखील झालं आहे. ‘शाका लाका बूम बूम’ मालिकेच्या माध्यमातून चाहत्यांच्या भेटीस आलेली अभिनेत्री आज संपत्ती, पैसा सर्वकाही असून एकटं आयुष्य जगत आहे. पण अभिनेत्रीच्या पतीने मात्र तिसरा संसार थाटला आहे. महत्त्वाची गोष्ट म्हणजे आज अभिनेता त्याच्या खासगी आयुष्यात आनंदी आहे. तिसऱ्या लग्नानंतर अभिनेत्याच्या तिसऱ्या पत्नीने एका मुलीला देखील जन्म दिला आहे. पण ‘शाका लाका बूम बूम’ फेम अभिनेत्री मात्र आजही एकटीच आहे.

सध्या ज्या अभिनेत्यात्रीची चर्चा रंगली आहे, ती दुसरी तिसरी कोणी नसून ‘शाका लाका बूम बूम’ फेम अभिनेत्री जेनिफर विंगेट आहे. जेनिफर विंगेट हिने 2002 मध्ये प्रसारित झालेल्या ‘शाका लाका बूम बूम’ मालिकेत महत्त्वाची भूमिका बजावली होती. सोशल मीजियावर अभिनेत्रीचा ‘शाका लाका बूम बूम’ मालिकेतील फोटो देखील तुफान व्हायरल होत आहे.

‘शाका लाका बूम बूम’ मध्ये महत्त्वाची भूमिका बजावल्यानंतर जेनिफर हिने अनेक मालिकामध्ये काम केलं. ‘कसोटी जिंदगी की’ मालिकेत देखील जेनिफर अभिनेत्री श्वेता तिवारी हिच्या मुलीच्या भूमिकेत दिसली. त्यानंतर ‘सरस्वतीचंद्रा’ मालिकेत जेनिफर हिने ‘कुमुद’ या भूमिकेला न्याय दिला. अनेक मालिकांमध्ये महत्त्वाची भूमिका बजावत जेनिफर हिने चाहत्यांच्या मनात घर केलं.

जेनिफर हिला प्रोफेशनल आयुष्यात यश मिळालं, पण अभिनेत्रीने खासगी आयुष्यात अनेक सकटांचा सामना केला. एकाच मालिकेत काम करत असताना जेनिफर आणि अभिनेता करण सिंह ग्रोवर यांच्यमध्ये प्रेम बहरलं. जेनिफर आणि करण यांनी 2012 मध्ये लग्न देखील केलं. पण दोघांचं नातं फार काळ टिकलं नाही. अखेर दोघांनी 2014 मध्ये जेनिफर आणि करण यांनी विभक्त होण्याचा निर्णय घेतला.

जेनिफर हिच्यासोबत घटस्फोट झाल्यानंतर करण तिसरं लग्न केलं. अभिनेत्र बिपाशा बासू हिच्यासोबत करण याने लग्न केलं. करण आणि बिपाशा यांना एक मुलगी देखील आहे. पण जेनिफर मात्र एकटीच आहे. करण याच्यासोबत घटस्फोट झाल्यानंतर जेनिफर हिने लग्न केलं नाही.

करण याच्यासोबत घटस्फोटावर अभिनेत्रीचं वक्तव्य

अभिनेत्री म्हणाली, ‘इतक्या मोठ्या निर्णयासाठी आम्ही दोघेही तयार नव्हतो. आम्ही दोघेही ते पाऊल उचलायला तयार नव्हतो. आम्ही इतके दिवस मित्र होतो. प्रत्येक वेळी आम्ही भेटायचो. पण ती वेळ एक दुर्दैवी वेळ होती. जे झालं त्यात कोणाचाही दोष नव्हता…’ असं अभिनेत्री जेनिफर विंगेट म्हणाली.