Bigg Boss 16 : पहिल्या पत्नीचं दुसरं लग्न होत असताना Shalin Bhanot याने घेतला मोठा निर्णय

टीव्ही अभिनेता शालीन भनोट

Shalin Bhanot On Being Single : टीव्ही अभिनेता शालीन भनोट (Shalin Bhanot) कायम त्याच्या खासगी आयुष्यामुळे चर्चेत असते. छोट्या पडद्यावरचा सर्वात वादग्रस्त शो ‘बिग बॉस १६’ मध्ये शालीन याने प्रवेश केला आणि पुन्हा चाहत्यांच्या मनात एक वेगळी जागा निर्माण केली. ‘बिग बॉस १६’ ट्रॉफी जिंकण्याचा विचार करत बिग बॉसच्या घरात एन्ट्र करत शालीन टॉप ५ पर्यंत पोहोचला. पण विजेतेपदासाठी वोट कमी मिळाल्याने अभिनेत्याचं स्वप्न अपूर्ण राहिलं. पण आजही शालीन बिग बॉसच्या घरातील त्याच्या वागणुकीमुळे चर्चेत आहे. बिग बॉसच्या घरात शालीनमुळे देखील अनेक वाद रंगले, ज्यामुळे अभिनेता चर्चेत राहिला, तर दुसरीकडे लव्ह एन्गलमुळे देखील शालिन तुफान चर्चेत राहिला. बिग बॉसनंतर शालिन याने घेतलेल्या मोठ्या निर्णयाची चर्चा रंगली आहे.

‘बिग बॉस १६’ च्या फिनालेमध्ये अभिनेत्याने आयुष्यभरासाठी सिंगल राहणार असल्याचं सांगितलं आहे. ज्यामुळे अभिनेता तुफान चर्चेत आला आहे. ‘बिग बॉस १६’ मध्ये अभिनेता टॉप ५ असल्यामुळे घराबाहेर आला. त्यानंतर अभिनेता सलमान खान (salman khan) याच्यासोबत स्टेजवर दिसला. शालीनसाठी सलमान खान प्रेरणास्थानी आहे. शालीन याला सलमान खान याच्याप्रमाणेच अभिनय करायचा आहे. शिवाय सलमान प्रमाणेच आयुष्यभर सिंगल राहण्याचा निर्णय शालीन याने घेतला आहे.

शालीन याचं पहिलं लग्न टीव्ही अभिनेत्री दलजीत कौर (dalljiet kaur) हिच्यासोबत केलं. दोघांना एक मुलगा देखील आहे. पण लग्नाच्या ६ वर्षांनंतर दलजीत आणि शालीन यांनी घटस्फोट घेतला. घटस्फोटानंतर दलजीत मार्च महिन्यात लग्न बंधनात अडकणार आहे. दलजीत बॉयफ्रेंड निखिल पटेल याच्यासोबत लग्न करून लंडन याठिकाणी मुलासोबत शिफ्ट होणार आहे.

लग्नानंतर काही वर्षात त्यांच्या आयुष्यात अनेक चढ-उतार आले. नातं सुधारण्यासाठी दोघांना एकमेकांना अनेक संधी देखील दिल्या पण त्याचा काहीही उपयोग झाला नाही. अखेर दलजीत आणि शालीन यांनी २०१५ मध्ये घटस्फोट घेत विभक्त होण्याचा निर्णय घेतला. दलजीतने शालीनवर घरगुती हिंसाचाराचे गंभीर आरोप केले. शालीन रागीट आणि आक्रमक स्वभावाचा पुरुष असल्याचं दलजीतने सांगितलं.

कोण आहे दलजीतचा होणार पती…

दलजीत कौर हिचा होणारा पती निखिल पटेल (nikhil patel) एका फायनान्स कंपनीमध्ये काम करतो. लग्नानंतर दलजीत कौर तिच्या आणि शालीनचा मुलगा जेडन याला देखील यूकेमध्ये घेवून जाणार आहे. लग्नानंतर काही दिवस दलजीत कौर नैरोबी (अफ्रीका) याठिकाणी राहणारा आहे. कारण निखिल सध्या नैरोबी याठिकाणी काम करत आहेत.