Sunny Deol | सेल्फी घेणाऱ्या चाहत्यावर भडकल्याच्या व्हिडीओवर अखेर सनी देओलने सोडलं मौन; म्हणाला..
काही दिवसांपूर्वी सनी देओलचा एक व्हिडीओ सोशल मीडियावर तुफान व्हायरल झाला होता. यामध्ये एअरपोर्टवर एक चाहता त्याच्यासोबत सेल्फी क्लिक करण्यासाठी पुढे आला असताना सनी देओल त्याच्यावर भडकताना दिसला होता.
मुंबई | 31 ऑगस्ट 2023 : एखाद्या अभिनेत्याला किंवा अभिनेत्रीला इंडस्ट्रीत यश मिळू लागलं, एखादा त्यांचा चित्रपट चांगली कामगिरी करू लागला की त्यांच्याकडे सर्वांचं लक्ष वेधलं जातं. अशा वेळी त्यांच्या छोट्यातल्या छोट्या गोष्टीवर नजर ठेवली जाते. ते इतरांशी कसे वागतात, कसे बोलतात, याकडे आवर्जून लक्ष दिलं जातं. त्यामुळे जर का त्या अभिनेत्याकडून किंवा अभिनेत्रीकडून छोटीशी जरी चूक झाली, तरी ते सोशल मीडियावर तुफान ट्रोल होतात. असंच काहीसं अभिनेता सनी देओलसोबत काही दिवसांपूर्वी घडलं होतं. ‘गदर 2’ या चित्रपटाच्या तुफान यशानंतर सनीचा एअरपोर्टवरील एक व्हिडीओ सोशल मीडियावर चांगलाच व्हायरल झाला होता. एअरपोर्टवर एक चाहता त्याच्याकडे सेल्फी क्लिक करण्यासाठी गेला होता, तेव्हा सनी देओल त्याच्यावर भडकल्याचं पहायला मिळालं होतं. त्यावरून नेटकऱ्यांनी खूप टीका केली होती. आता नुकत्याच दिलेल्या एका मुलाखतीत सनी देओलने त्या प्रकरणावर मौन सोडलं आहे.
व्हायरल व्हिडीओबद्दल काय म्हणाला सनी देओल?
युट्यूबर रणवीर अलाहाबादियाला दिलेल्या मुलाखतीत सनी देओल म्हणाला, “माझा तसा वागण्याचा काहीच हेतू नव्हता. अनेकदा अशा गोष्टी घडल्या आहेत ज्यामुळे मी दु:खी झालो पण मला पुढे चालत राहावं लागलं. अर्थातच चाहते तुमच्यावर प्रेम करतात आणि आम्हीसुद्धा त्यांच्यावर तेवढंच प्रेम करतो. अनेकदा सेल्फी क्लिक करून झाल्यानंतर ते तिथून हलत नाही. अशा वेळी एखादी व्यक्ती मला रेकॉर्ड करतेय याचा विचार मी करत नाही. मला पुढे जाऊ द्या, इतकाच विचार माझ्या डोक्यात असतो. ही गोष्ट कृपया तुम्ही समजून घ्या. चाहत्यांसोबत माझं भावनिक कनेक्शन आहे. ”
पहा व्हिडीओ
Never seen 1st gen stars ever behave such. It’s always the star-kids who have grown up with fame & privilege who take this love for granted. Be it SRK or Amitabh. Always grateful. pic.twitter.com/HMlNeRyEiv
— Gabbar (@GabbbarSingh) August 18, 2023
“पुन्हा भेटल्यास मी त्याला मिठी मारेन आणि..”
यावेळी सनी देओलने असंही सांगितलं की त्याने काहीच चुकीचं केलं नाही. याउलट भविष्यात पुन्हा कधी तो चाहता भेटला तर तो त्याची प्रतिक्रिया वेगळी असेल. “मी त्याला मिठी मारेन आणि माझा तसा काहीच हेतू नव्हता असं मी त्याला सांगेन”, असं सनी देओलने स्पष्ट केलं. सनी देओल सध्या ‘गदर 2’ला मिळणाऱ्या प्रचंड प्रतिसादामुळे यशाच्या शिखरावर आहे. या चित्रपटाने आतापर्यंत कमाईचा 460 कोटी रुपयांचा टप्पा पार केला आहे. 2001 मध्ये प्रदर्शित झालेल्या ‘गदर : एक प्रेम कथा’ या चित्रपटाचा हा सीक्वेल आहे.
