सुष्मिताचे 10 वर्ष मोठ्या उद्योजकासोबत प्रेमसंबंध, वडिलांना नव्हती कल्पना, पण उद्योजकाच्या मुलाचं मोठं वक्तव्य

Happy Birthday Sushmita Sen: अभिनेत्री सुष्मिता सेन हिने आतापर्यंत एक दोन नाही तर, 11 सेलिब्रिटींना डेट केलं आहे. पण कोणासोबच अभिनेत्रीचं नातं लग्नापर्यंत पोहोचलं नाही. सुष्मिता हिने विवाहित पुरुषांना देखील डेट केलं आहे. पण उद्योजक ललित मोदी याच्यासोबत रिलेशनशिपच्या चर्चांनी जोर धरला. कारण खुद्द ललित मोदी याने अभिनेत्रीसोबत असलेले खासगी फोटो सोशल मीडियावर पोस्ट करत रिलेशनशिपची कबुली दिली होती. शिवाय सुष्मितासोबत लग्नाचा विचार करत आहे… असं देखील ललित मोदी म्हणाला होता. यावर उद्योजकाच्या मुलाने देखील मोठं वक्तव्य केलं होतं.

सांगायचं झालं तर, आज सुष्मिता हिचा वाढदिवस आहे त्यामुळे तिच्या खासगी आयुष्याबद्दल अनेक गोष्टी समोर येत आहेत. दरम्यान, सुष्मिता आणि ललित मोदी यांच्या रिलेशनशिपवर अभिनेत्रीच्या वडिलांनी देखील मौन सोडलं होतं. ‘मला याबद्दल काहीही माहिती नाही. त्यामुळे यावर मी काहीच बोलू शकत नाही…’ असं सुष्मिताचे वडील म्हणाले होते.

पुढे सुष्मिताचे वडील म्हणाले, ‘जर असं काही असेल तर, पुढे जाऊन मला नक्की माहिती पडेल. असं काही असेल तर माझ्या मुलीच्या आयुष्यातील नवीन वळण असेल… भविष्यात मला नक्की माहिती पडेल पण आता मला काहीही माहिती नाही…’ असं देखील सुष्मिताचे वडील म्हणाले होते.

ललित मोदी याच्या मुलाची प्रतिक्रिया

ललित मोदी दोन मुलांचा बाप आहे. ललित मोदी याच्या मुलाचं नाव रुचिर मोदी असं आहे. वडिलांचं सुष्मिता सेन हिच्यासोबत असलेल्या नात्यावर रुचिर याला माहिती होतं. रुचिर म्हणाला होता, ‘मी प्रचंड प्रामाणिक आहे. त्यामुळे यावर मला काहीही बोलायचं आहे. हा विषय आमच्या कुटुंबाचा वैयक्तिक विषय आहे…’ असं देखील ललित मोदी याचा मुलगा म्हणाला होता.

सुष्मिता हिच्या खासगी आयुष्याबद्दल सांगायचं झालं तर, अभिनेत्री सिनेमांमध्ये दमदार भूमिका साकारत चाहत्यांचं मनोरंजन तर केलंच पण खासगी आयुष्यामुळे अभिनेत्री अधिक चर्चेत राहिली. आता सुष्मिता मॉडेल रोहमन शॉल याच्यासोबत रिलेशनशिपमध्ये आहे.

सुष्मिता हिने ललित मोदी, संजय नारंग, रणदीप हुडा, इम्तियाज खत्री, वसीम अकरम आणि मुदस्सर अजीज यांसारख्या 11 जणांना अभिनेत्रीने डेट केलं आहे. अनेक सेलिब्रिटींना डेट केल्यानंतर देखील सुष्मिता वयाच्या 48 व्या वर्षी देखील अविवाहित आहे.