Taarak Mehta: ‘तारक मेहता…’ मधील सोनूच्या आयुष्यात प्रेमाची एन्ट्री? आता काय करते अभिनेत्री?

मुंबई : तारक मेहता का उल्टा चश्मा मालिका गेल्या १४ वर्षांपासून चाहत्यांचं मनोरंजन करत आहे. टप्पूसेना यांची धम्माल मस्ती आणि गोकूळ धाम सोसायटीमधील एकतेमुळे मालीकेने चाहत्यांच्या मनात घर केलं. लहान मुलांपासून ते वृद्धांपर्यंत प्रत्येक जण तारक मेहता का उल्टा चश्मा ही मालिका तितक्याच उत्साहाने पाहतो. मालिकेतील प्रत्येक कलाकार चाहत्याचं मनोरंजन करत आहे. टप्पू सेनेतील सोनू तुम्हाला प्रत्येकाला आठवत असेल. मालिकेत सून ही भूमिका साकारणारी अभिनेत्री झील मेहता हिने अभिनयाला राम राम ठोकला आहे. पण झील सोशल मीडियावर कायम चर्चेत असते. झील आता सध्या काय करते हे जाणून घेण्यासाठी झीलचे चाहते कायम उत्सुक असतात. सध्या सर्वत्र झील मेहता हिच्या खासगी आणि प्रोफेशनल आयुष्याची चर्चा रंगत आहे.

‘तारक मेहता का उल्टा चश्मा’ फेम झील सध्या रिलेशनशिपमध्ये आहे. काही दिवसांपूर्वी झीन हिने तिच्या इन्स्टाग्राम अकाउंटवर एक व्हिडीओ शेअर केला होता. व्हिडीओमध्ये झील तिच्या बॉयफ्रेंडसोबत दिसत होती. मालिकेतील बालकलाकार झील मेहताला वेगवेगळया ठिकाणी खूप आवड आहे, जी तिच्या इन्स्टाग्राम पोस्टमधून स्पष्टपणे दिसून येते.

झील मेहता हिने २००८ ते २०१२ पर्यंत ‘तारक मेहता का उल्टा चश्मा’ मालिकेच सोनू भीडे या भूमिकेला न्याय दिला. त्यानंतर शिक्षणासाठी अभिनेत्रीने मालिकेचा निरोप घेतला. आता झील तिच्या आईसोबत ब्यूटी बिझनेसमध्ये काम करत आहे. झील मेहता मेकअप आर्टिस्ट आहे, तर झीलची आई हेअर स्टायलिस्ट आहे. आई आणि मुलगी मिळून व्यवसाय करतात.

सोशल मीडियावर झील आणि तिच्या आईचा मेकअप पेज देखील आहे. झील कायम सोशल मीडियावर मेकअप संबंधीत व्हिडीओ आणि फोटो पोस्ट करत असते. झील मेहता सध्या तिच्या खासगी आयुष्यामुळे चर्चेत आली आहे. आता झीलचा बॉयफ्रेंड कोण आहे आणि तो काय करतो. हे जाणून घेण्याच्या प्रतीक्षेत चाहते आहे..

झील मेहता आता झगमगत्या विश्वात सक्रिय नसली तरी, सोशल मीडियावर कायम सक्रिय असते. सोशल मीडियीवर तिच्या चाहत्यांची संख्या देखील फार मोठी आहे. एवढंच नाही तर, चाहत्यांच्या संपर्कात राहण्यासाठी झील कायम स्वतःचे फोटो आणि व्हिडीओ सोशल मीडियावर शेअर करत असते. शिवाय चाहते देखील तिच्या पोस्टवर कमेंट आणि लाईक्स वर्षाव करत असतात.