Bigg Boss 16 | शर्लिन चोप्राने साजिद खान विरोधात दाखल केला गुन्हा, वाचा प्रकरण

मुंबई : बिग बॉस 16 (Bigg Boss 16) मध्ये जबरदस्त हंगामा होताना दिसत आहे. मात्र, बिग बॉसच्या घरामध्ये आणि बाहेर एकाच व्यक्तीची चर्चा होत आहे, ही व्यक्ती दुसरी तिसरी कोणी नसून साजिद खान आहे. बिग बॉसच्या घरात सर्वांसोबत साजिद खान चांगले वागत आहे. परंतू साजिद खानच्या विरोधात घरात (Sajid Khan) बाहेर अभिनेत्रींनी रान उठवले आहे. अभिनेत्री शर्लिन चोप्राने साजिद खानच्या बिग बॉसच्या घरातील प्रवेशावर नाराजी व्यक्त करत आवाज उठवला होता. त्यानंतर अनेक अभिनेत्री पुढे आल्या आणि सलमान खान (Salman Khan) आणि बिग बॉसच्या निर्मात्यांवर टीका केली.

शर्लिन चोप्रा फक्त सोशल मीडियावर आवाज उठून शांत बसली नाहीये तर तिने याप्रकरणात थेट पोलिस स्टेशन गाठले आहे. नुकतेच शर्लिन चोप्राने गुन्हा दाखल केला. शर्लिनने बॉलिवूड निर्माता-दिग्दर्शक साजिद खानविरुद्ध जुहू पोलिस स्टेशनमध्ये विनयभंगाचा गुन्हा दाखल केला आहे. यामुळे साजिद खानच्या अडचणींमध्ये वाढ होणार हे नक्कीच.

साजिद खानने तब्बल 4 वर्षांनंतर पडद्यावर पुनरागमन केले आहे. मात्र, साजिदला बिग बाॅसच्या घरात पाहून अनेकांना मोठा धक्काच बसला होता. आता शर्लिन चोप्राने साजिद खानला कायद्याच्या कचाट्यात अडकवले आहे. गुन्हा दाखल करण्याच्या अगोदर शर्लिनने एक पत्रकार परिषद घेत साजिद खानवर गंभीर आरोप केले होते.