Video | शिल्पा शेट्टी हिला जे जमले नाही ते उर्फी जावेदने करून दाखवले, राज कुंद्रा आणि उर्फीचा व्हिडीओ व्हायरल

मुंबई : शिल्पा शेट्टी हिचा पती राज कुंद्रा (Raj Kundra) हा सध्या जोरदार चर्चेत आहे. राज कुंद्रा हा बाॅलिवूडमध्ये पर्दापण करतोय. राज कुंद्रा याच्यावर काही दिवसांपूर्वीच अत्यंत गंभीर आरोप करण्यात आले. ज्यानंतर सर्वांनाच मोठा धक्का बसला. राज कुंद्रा याला या प्रकरणात काही दिवस थेट जेलमध्ये राहण्याची वेळ आली. राज कुंद्रा याच्यासोबतच शिल्पा शेट्टी (Shilpa Shetty) हिच्यावर देखील लोकांनी टिका केली. या सर्व प्रकरणानंतर राज कुंद्रा हा नेहमीच मास्क घालून फिरताना दिसतो.

राज कुंद्रा याचा एक व्हिडीओ सोशल मीडियावर तूफान व्हायरल होताना दिसला. या व्हिडीओमध्ये चक्क राज कुंद्रा हा उर्फी जावेद हिच्यावर भाष्य करताना दिसला. राज कुंद्रा थेट म्हणाला की, मागच्या दोन वर्षांपासून पापाराझी यांच्या नजरा फक्त माझ्यावर आणि उर्फी जावेद हिच्यावर आहेत. तिने काय घातले नाही आणि मी काय घातले यावर

राज कुंद्रा याचे हे बोलणे ऐकून उर्फी जावेद हिचा पारा चांगलाच वाढला. यानंतर थेट उर्फी हिने सोशल मीडियावर पोस्ट शेअर करत राज कुंद्रा याच्या बोलण्याचा चांगलाच समाचार घेतला. राज कुंद्रा याचा थेट उर्फी जावेद हिने पाॅर्न किंग देखील म्हटले. राज कुंद्रा आणि उर्फी जावेद यांच्यामधील वाद वाढण्याची दाट शक्यता दिसली.

राज कुंद्रा आणि उर्फी जावेद यांचा एक व्हिडीओ सध्या सोशल मीडियावर तूफान व्हायरल होताना दिसतोय. यांचा हा व्हिडीओ पाहून सर्वचजण हैराण झाल्याचे बघायला मिळतंय. कालपर्यंत भांडणारे राज कुंद्रा आणि उर्फी जावेद एकाच व्हिडीओमध्ये एकसोबत दिसल्याने सर्वांनाच मोठा धक्का बसलाय.

विशेष म्हणजे या व्हिडीओमध्ये उर्फी जावेद हिने देखील मास्क घातल्याचे दिसतंय. राज कुंद्रा आणि उर्फी जावेद यांनी एकसारखे मास्क घातले आहे. यानंतर राज कुंद्रा हा चक्क आपले मास्क काढताना दिसतोय. यानंतर राज कुंद्रा हा आपले मास्क काढून उर्फी जावेद हिच्या हातामध्ये देतो. यानंतर उर्फी जावेद दोन्ही मास्क आपल्या हातामध्ये घेते. आता हाच व्हिडीओ तूफान व्हायरल होतोय.

या व्हिडीओवर मोठ्या प्रमाणात कमेंट केल्या जात आहेत. एकाने या व्हिडीओवर कमेंट करत थेट म्हटले की, अगोदर उर्फी तू जे भांडत होते तो फक्त आणि फक्त दिखावाच होताना? दुसऱ्याने लिहिले की, दे दोघेही फार जास्त नाटकी आहेत. राज कुंद्रा आणि उर्फी जावेद यांच्यामधील वाद हा फक्त स्टंट होता.