दर्ग्याला भेट दिल्यामुळे राम चरण वादाच्या भोवऱ्यात, बायको म्हणाली, ‘तो स्वतःच्या धर्माचं पालन करतो आणि…’

Upasana Kamineni on Ram charan visit Dargah: दाक्षिणात्य सिनेविश्वातील प्रसिद्ध अभिनेता राम चरण याने नुकताच एका दर्ग्याला भेट दिली. राम चरण याने दर्ग्याला भेट दिल्यामुळे अभिनेता वादाच्या भोवऱ्यात अडकला आहे. दर्ग्याला भेट दिल्यामुळे अनेक अभिनेत्यावर टीका केली आहे. स्वतःच्या पतीवर होत असलेली टीका पाहाता राम चरण याच्या पत्नीने टीकाकारांना सडेतोड उत्तर दिलं आहे. सध्या राम चरण याची पत्नी उपासना हिची सोशल मीडिया पोस्ट तुफान व्हायरल हत आहे.

उपासना हिने पतीचा एका फोटो सोशल मीडियावर पोस्ट करत टीकाकारांना सडेतोड उत्तर दिली आहे. उपासना म्हणाली, ‘राम चरण स्वतःच्या धर्माचं पालन करतो, पण दुसऱ्याच्या धर्माचा आदर देखील करतो…’ सध्या सर्वत्र राम चरण याची चर्चा रंगली आहे.

उपासना हिने अभिनेत्या जो फोटो पोस्ट केला आहे, त्या फोटोमध्ये राम चरण खाली मान घालून उभा असलेला दिसत आहे. अभिनेत्याने काळ्या रंगाचे कपडे घातले आहेत आणि गळ्यात माळा घातल्या आहे. गायक मोहित चौहान सोबतच अनेक लोकं अभिनेत्याच्या भोवती दिसत आहे.

अभिनेत्याचा फोटो पोस्ट करत पत्नी उपासना म्हणाली, ‘आस्था एकत्र आणते विभक्त करत नाही. भारतीय असल्याच्या नात्याने आम्ही देवापर्यंत पोहोचण्याच्या सर्व मार्गांचा सन्मान करतो. एकताच आमची ताकद आहे…’ पोस्ट शेअर करत उपासना हिने #OneNationOneSpirit #jaihind असे हॅशटॅग देखील दिले आहेत.

एवढंच नाही तर उपासनी पती राम चरण याची बाजू मांडत म्हणाली, ‘राम चरण स्वतःच्या धर्माचा पालन करतो आणि दुसऱ्यांच्या धर्माचा आदर करतो…’, उपासना हिच्या सोशल मीडिया पोस्टवर नेटकरी देखील लाईक्स आणि कमेंटचा वर्षाव होत आहे.

राम चरण याच्याबद्दल सांगायचं झालं तर, अभिनेता प्रचंड धार्मिक आहे. अनेकदा अनवाणी पायानं तो देवदर्शन करताना दिसतो. तिरुपती बालाजीच्या दर्शनासाठी देखील अभिनेता अनेकदा गेला आहे. राम चरण याचे आई – वडील देखील प्रचंड धार्मिक आहे. अभिनेत्या कुटुंबात धार्मिक वातावरण आहे.