विजय देवरकोंडा आणि समंथा प्रभू यांनी नृत्य सादरीकरणातून केले चाहत्यांचे मनोरंजन

मुंबई : विजय देवरकोंडा आणि सामंथा कुशी या चित्रपटात एकत्र दिसणार आहेत. दिग्दर्शक शिव निर्वाण यांच्या या चित्रपटाची सध्या जोरदार चर्चा आहे. चित्रपटाच्या निर्मात्यांनी हैदराबादमध्ये चित्रपटाच्या प्रमोशनसाठी एका अनोख्या संगीत मैफिलीचे आयोजन केले होते. देवराकोंडा आणि समंथा यांनी ही मैफील आपल्या सादरीकरणाने लुटली. कॉन्सर्टमध्ये हेशम अब्दुल वहाब, सिड श्रीराम, जावेद अली, अनुराग कुलकर्णी आणि हरी चरण यांनी ही गाण्याचं सादरीकरण केले. हैदराबादच्या HICC अधिवेशनात झालेल्या कार्यक्रमात चिन्मयी, हरी शंकर, पद्मजा श्रीनिवासन, दिव्या एस मेनन आणि भावना इसवी यांनीही सादरीकरण केले.

या कार्यक्रमासाठी सामंथाने आकर्षक लाल साडी घातली होती. विजय ऑल व्हाइट लूकमध्ये दिसत होता. त्याने पांढऱ्या रंगाचा कुर्ता, मॅचिंग जॅकेट घातले होते. दोघांनी डान्स करत प्रेक्षकांचं मनोरंजन केले. या कार्यक्रमादरम्यान, गायक सिड श्रीराम यांनी चित्रपटातील एक गाणे त्यांच्या पद्धतीने गायले. याचाच व्हिडिओ सोशल मीडियावर व्हायरल झाला आहे.

कुशीमध्ये मुरली शर्मा, जयराम, सचिन खेडाकर, सरन्या प्रदीप आणि वेनेला किशोर यांच्याही प्रमुख भूमिका आहेत. चित्रपटाला संपूर्ण भारतात मोठ्या प्रमाणावर ओपनिंग मिळण्याची अपेक्षा आहे, फक्त तेलुगू आवृत्तीने सुमारे 50 कोटी रुपये कमावले आहेत.

रिलीज झाल्यापासूनच या चित्रपटाच्या गाण्यांनी चाहत्यांमध्ये खळबळ उडवून दिली आहे. मल्याळम दिग्गज हेशम अब्दुल वहाब यांनी गाणी संगीतबद्ध केली आहेत. हा सिनेमा Mythri Movie Makers यांनी प्रोड्युस केला आहे.

कुशी 1 सप्टेंबर रोजी थिएटरमध्ये प्रदर्शित झाला आहे. संपूर्ण भारतात तेलुगू, हिंदी, तामिळ, कन्नड आणि मल्याळम भाषांमध्ये प्रदर्शित होणार आहे.