Tunisha Case: तुनिशाची फसवणूक करत होता शिझान? पोलिसांना मिळाली सीक्रेट गर्लफ्रेंडची माहिती; कोण आहे ती?

Image Credit source: Instagram

ठाणे: टीव्ही अभिनेत्री तुनिशा शर्माच्या आत्महत्येप्रकरणी वाळीव पोलिसांचा तपास सुरू आहे. याप्रकरणी आता पोलिसांना अत्यंत महत्त्वपूर्ण माहिती मिळाली आहे. अभिनेता शिझान खानने तुनिशाला लग्नाचं आमिष दाखवून तिची फसवणूक केली, असा आरोप तिच्या आईने केला होता. त्यानंतर शिझानला पोलिसांनी अटक केली. आता पोलिसांनी शिझानच्या व्हॉट्स ॲप चॅट्सची तपासणी केली आहे. तुनिशासोबत असताना शिझानच्या आयुष्यात आणखी एक मुलगी होती, यावर पोलिसांनी शिक्कामोर्तब केला आहे.

शिझानच्या व्हॉट्स ॲप अकाऊंटवरून तुनिशा आणि त्याचे जुने चॅट्स डिलिट केल्याचं पोलिसांना आढळलं. शिझानच्या आयुष्यात असलेल्या दुसऱ्या मुलीचीही चौकशी पोलीस करू शकतात. सायबर विंगने अद्याप तुनिशाचा फोन अनलॉक केला नाही. तिचा फोन अनलॉक झाल्यानंतर त्यातून काही महत्त्वपूर्ण माहिती मिळू शकेल, असा विश्वास पोलिसांना आहे.

या सर्व प्रकरणाचा खोलवर तपास करण्यासाठी पोलीस शिझानच्या कोठडीत वाढ करण्याची मागणी करू शकतात. दरम्यान वाळीव पोलिसांनी शिझानचा ऑन-कॅमेरा जबाब नोंदवला आहे. जवळपास सात तास शिझानची ऑन कॅमेरा चौकशी झाली.

या चौकशीदरम्यान तो सतत त्याचा जबाब बदलत असल्याचं पोलीस म्हणाले. करिअरवर लक्ष केंद्रीत करण्यासाठी तुनिशासोबत ब्रेकअप केल्याचं कारण त्याने या चौकशीदरम्यान सांगितलं. याआधी त्याने वयातील अंतर आणि धार्मिक मतमतांतरे यांमुळे ब्रेकअप झाल्याचं सांगितलं होतं.

तुनिशाने शनिवारी दुपारी वसई इथल्या मालिकेच्या सेटवर गळफास घेऊन आत्महत्या केली होती. याप्रकरणी तिचा एक्स बॉयफ्रेंड आणि सहकलाकार शिझान खानवर गुन्हा दाखल करण्यात आला होता. हे दोघं ‘अली बाबा: दास्तान-ए-काबुल’ या मालिकेत एकत्र काम करत होते.