सलमान खानच्या बहिणीचा संसार मोडल्याचा ‘या’ प्रसिद्ध अभिनेत्रीवर आरोप, नाव जाणून व्हाल थक्क

मुंबई | 8 मार्च 2024 : अभिनेता सलमान खान कायम त्याच्या कुटुंबासाठी मोठे निर्णय घेताना दिसतो. शिवाय अभिनेत्याने आतापर्यंत कुटुंबातील अनेकांची करियरमध्ये देखील मदत केली आहे. सलमान खान त्याच्या चाहत्यांसोबतच कुटुंबियांची देखील काळजी करताना दिसतो. महत्त्वाची गोष्ट म्हणजे सलमान खान त्याच्या बहिणींवर प्रचंड प्रेम करतो. अर्पिता तर कायम मोठा भाऊ सलमान खान याच्यासोबत असते. पण सलमान खान याला एका बहिणीचा संसार वाचवता आला आहे. सलमान खान याने मानलेल्या बहिणीचं मोठ्या थाटात लग्न लावून दिल पण, तिचं लग्न एक वर्ष देखील टिकलं नाही.

सध्या सलमान खान याच्या ज्या बहिणीची चर्चा रंगली आहे, ती दुसरी तिसरी कोणी नाहीतर, श्वेता रोहिरा आहे. श्वेताचं लग्न अभिनेता पुलकित सम्राट याच्यासोबत झालं होतं. पण दोघांचं लग्न फार काळ टिकलं नाही. आता पुलकित अभिनेत्री कृती खरबंदा हिच्यासोबत लग्नबंधनात अडकणार आहे.

अनेक वर्ष एकमेकांना डेट केल्यानंतर पुलकित आणि कृती लग्न करणार आहेत. पण एक काळ असा देखील होता, जेव्हा पुलकित याचं नाव अभिनेत्री यामी गौतम हिच्यासोबत जोडण्यात आलं. पुलकित आणि यामी यांनी ‘सनम रे’ सिनेमात एकत्र स्क्रिन शेअर केली होती. तेव्हाच दोघांमध्ये प्रेम बहरलं असं देखील सांगण्यात आलं.

यामीला डेट करण्याआधी पुलकित विवाहित होता. पुलकित याने सलमान खानची मानलेली बहीण श्वेता हिच्यासोबत लग्न केलं होतं. श्वेतासोबत घटस्फोट झाल्यानंतर पुलकित याच्या आयुष्यात यामी हिची एन्ट्री झाली. एवढंच नाहीतर, अभिनेत्रीवर सलमान खानच्या बहिणीचा संसार मोडल्याचे आरोप देखील लावण्यात आले.

रिपोर्टनुसार, पुलकित – यामी यांनी 2015-16 मध्ये डेट करायला सुरुवात केली. पण 2018 मध्ये दोघांनी विभक्त होण्याचा निर्णय घेतला. धक्कादायक गोष्ट म्हणजे, यामी हिने पुलकितवर वाईट प्रकारे वागणूक केल्याचे आरोप लावले होते. अशात दोघांमध्ये अनेक वाद झाले. अखेर दोघांनी विभक्त होण्याचा निर्णय घेतला.

यामीच्या खासगी आयुष्याबद्दल सांगायचं झालं तर, अभिनेत्रीने निर्माता आदित्य धर याच्यासोबत लग्न केलं आहे. अभिनेत्री लवकरच आई होणार आहे. अभिनेत्री सोशल मीडियावर देखील कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे.