‘या’ सवयींमुळे किडनी होते खराब!
हा अवयव नीट काम करत नसेल किंवा निकामी झाला तर आपल्या शरीरात विषारी पदार्थ जमा होऊ लागतील, ज्यामुळे विविध आजार पसरण्याचा धोका वाढेल. मूत्रपिंड निकामी झाल्यास डायलिसिसचा आधार घ्यावा लागतो. आपल्या स्वतःच्या वाईट सवयींमुळे किडनी निकामी होऊ शकते हे तुम्हाला माहित आहे का, चला तर मग जाणून घेऊया आपण त्या कशा टाळाव्यात.
मुंबई: मूत्रपिंड हा आपल्या शरीराचा एक अत्यंत महत्वाचा भाग आहे, त्याचे मुख्य कार्य आपल्या शरीरातील घाण फिल्टर करणे आणि ते काढून टाकणे आहे. जर हा अवयव नीट काम करत नसेल किंवा निकामी झाला तर आपल्या शरीरात विषारी पदार्थ जमा होऊ लागतील, ज्यामुळे विविध आजार पसरण्याचा धोका वाढेल. मूत्रपिंड निकामी झाल्यास डायलिसिसचा आधार घ्यावा लागतो. आपल्या स्वतःच्या वाईट सवयींमुळे किडनी निकामी होऊ शकते हे तुम्हाला माहित आहे का, चला तर मग जाणून घेऊया आपण त्या कशा टाळाव्यात.
या सवयींमुळे किडनी होते खराब
सध्याच्या युगातील व्यस्त जीवनशैली आणि अस्वास्थ्यकर खाण्यापिण्याच्या सवयींमुळे आपण कुठेतरी आपल्या मूत्रपिंडाचे नुकसान करत आहोत आणि दुर्दैवाने आपल्याला या चुकांची जाणीवही होत नाही.
बरेचदा वेगवेगळ्या कारणास्तव आपण लघवी रोखून ठेवतो. विशेषत: बाजारपेठेत किंवा रस्त्याच्या कडेला सार्वजनिक स्वच्छतागृह नसल्याने महिलांना लघवीचा त्रास होतो, घरी जाण्याशिवाय पर्याय नसतो. घर लांब असतं मग साहजिकच असे केल्याने मूत्रपिंडावर दबाव येतो, जो धोकादायक आहे.
आपल्या शरीराचा बराचसा भाग पाण्याने बनलेला असतो, त्यामुळे दिवसभर शरीर हायड्रेटेड ठेवणं खूप गरजेचं आहे. यामुळे शरीरातील सर्व अवयव व्यवस्थित काम करू शकतात. शरीरात पाण्याची कमतरता असेल तर विषारी पदार्थ बाहेर पडू शकणार नाहीत, किडनींना घाण साफ करणे अवघड होईल. यामुळे किडनी स्टोनचा धोकाही वाढतो.
मूत्रपिंडाचे आरोग्य बिघडण्यास आपला आहार मोठ्या प्रमाणात जबाबदार आहे, म्हणून हिरव्या भाज्या, ताजी फळे, फळांचा रस यासारख्या निरोगी गोष्टी खाण्याचा प्रयत्न करा आणि अस्वास्थ्यकर पदार्थ टाळा. बेकन, सॉसेज, हॉट डॉग्स, रेड मीट आणि बर्गर, पॅटीस, पिझ्झा आणि प्रोसेस्ड वस्तू खाल्ल्यास मूत्रपिंडाचे खूप नुकसान होते.
(डिस्क्लेमर: येथे दिलेली माहिती घरगुती उपचार आणि सामान्य माहितीवर आधारित आहे. आम्ही याला दुजोरा देत नाही.)
