दातांचा पिवळेपणा कसा घालवणार? एकदम सोपे उपाय, वाचा

Yellow teeth

दात स्वच्छ करण्यासाठी प्रत्येकजण दररोज दात घासतो. असे असूनही अनेकांचे दात पिवळसर पडतात. अशा तऱ्हेने लोकांना सर्वांसमोर मोकळेपणाने हसणे आणि बोलणे अवघड होऊन बसते. या समस्येला सामोरे जाण्यासाठी काय करावे हे त्यांना समजत नाही. आज आम्ही तुम्हाला या समस्येपासून सुटका मिळवण्यासाठी 4 महत्वाच्या टिप्स सांगणार आहोत. ज्याचा अवलंब केल्याने आपण या समस्येपासून आराम मिळवू शकता.

दातांचा पिवळेपणा कसा घालवणार?

मीठ आणि स्ट्रॉबेरी उपाय

दात पिवळे पडले असतील तर ते काढण्यासाठी मीठ आणि स्ट्रॉबेरी एकत्र मिसळून ब्रशवर ठेवा आणि नंतर हळूहळू दात स्वच्छ करा. तज्ज्ञांच्या मते या उपायामुळे दात पांढऱ्या मोत्यासारखे चमकदार होतात.

व्हिनेगर

पांढरे व्हिनेगर दातांचे पिवळेपण काढून टाकण्यासाठी देखील प्रभावी मानले जाते. यासाठी एक ग्लास पाण्यात 2 चमचे व्हिनेगर मिसळून स्वच्छ धुवावे. असे म्हटले जाते की या उपायामुळे तोंडाची दुर्गंधी तर दूर होतेच शिवाय दात मोत्यासारखे चमकतात.

आल्याचे पाणी

दात पिवळसर होण्याची समस्या दूर करण्यासाठी कोमट पाण्यात मीठ आणि आले मिसळून धुवावे. असे केल्याने दातांचा पिवळसरपणा आणि तोंडाचा वास दोन्ही दूर होतात.

बेकिंग सोडा

बेकिंग सोडा वापरून सुद्धा तुम्ही पिवळे दात काढू शकता. यासाठी ब्रशवर 1 चिमूट मीठ आणि बेकिंग सोडा ठेवून हळूहळू दात स्वच्छ करावे लागतील. असे केल्याने दात चमकदार आणि पांढरे होतात.