तुमचाही होतो का गोंधळ? मासिक पाळी मध्ये पपई खावी की नाही?
काही पदार्थ आपल्याला मासिक पाळी दरम्यान वेदनांपासून आराम देऊ शकतात, तर काही पदार्थ वेदना देखील वाढवू शकतात. त्यामुळे आपण ते खाणे टाळले पाहिजे. पपई हे एक असे फळ आहे जे मासिक पाळी आणि गरोदरपणात खाण्यासाठी स्त्रिया बरेचदा गोंधळतात. आज आपण जाणून घेणार आहोत की, याविषयी तज्ज्ञांचे काय मत आहे.
मुंबई: मासिक पाळीचे नाव ऐकताच पहिली वेदना आठवते. त्याचबरोबर पीरियड्समध्ये अस्वस्थता आणि मूड स्विंग ही एक वेगळीच समस्या आहे. या दरम्यान अनेकदा भूक जास्त लागते आणि कधी कधी काही खावंसं वाटत नाही. पण मासिक पाळीच्या काळात तुम्ही कोणत्या प्रकारचा आहार घेत आहात हे याकडे लक्ष द्यायला हवं. काही पदार्थ आपल्याला मासिक पाळी दरम्यान वेदनांपासून आराम देऊ शकतात, तर काही पदार्थ वेदना देखील वाढवू शकतात. त्यामुळे आपण ते खाणे टाळले पाहिजे. पपई हे एक असे फळ आहे जे मासिक पाळी आणि गरोदरपणात खाण्यासाठी स्त्रिया बरेचदा गोंधळतात. आज आपण जाणून घेणार आहोत की, याविषयी तज्ज्ञांचे काय मत आहे.
तज्ज्ञांच्या मते गरोदरपणात पिकलेली पपई खाणं आरोग्यासाठी चांगलं असतं, पण कच्ची पपई अजिबात खाऊ नका. खरं तर, कच्च्या पपईमध्ये लेटेक्स आणि पपेन भरलेले असते, जे गर्भाशयाच्या आकुंचनास प्रवृत्त करत आणि हे लवकर प्रसूतीस कारणीभूत ठरू शकते. त्याचबरोबर पीरियड्स दरम्यान पपईचे सेवन करताना काळजी घेण्याचा सल्लाही दिला जातो.
मासिक पाळी दरम्यान पपई खाल्ल्यास काय होते?
रक्ताभिसरण सुधारते पपई गर्भाशयाच्या स्नायूंना रक्त प्रवाह सुधारू शकते. याव्यतिरिक्त, पपई वेदना दूर करण्यास मदत करते.
पपई नियमित खाल्ल्याने गर्भाशयाचे स्नायू संकुचित होण्यास मदत होते. शरीरात उष्णता निर्माण करण्याबरोबरच यात कॅरोटीनदेखील असते. पपई शरीरातील इस्ट्रोजेन हार्मोनची पातळी नियंत्रित करते.
(डिस्क्लेमर: दिलेली माहिती घरगुती उपचार आणि सामान्य माहितीवर आधारित आहे. आम्ही याला दुजोरा दिलेला नाही.)