राष्ट्राध्यक्ष, पंतप्रधानांसह या देशाचे 12 हून अधिक कॅबिनेट मंत्री मोदींच्या स्वागताला एअरपोर्टवर

तीन देशांच्या दौऱ्याच्या शेवटच्या टप्प्यात पंतप्रधान नरेंद्र मोदी यांनी आज बुधवारी गयाना येथे पोहोचले. यावेळी गयानाचे राष्ट्राध्यक्ष इरफान अली, पंतप्रधान मार्क अँथनी फिलिप्स आणि 12 हून अधिक कॅबिनेट मंत्री स्वतः विमानतळावर पोहोचले आणि त्यांचे स्वागत केले. पंतप्रधान मोदी हॉटेलमध्ये पोहोचले तेव्हा ग्रेनेडाचे पंतप्रधान डेक्लन मिशेल आणि बार्बाडोसचे पंतप्रधान मिया अमोर मोटली हे देखील तिथे उपस्थित होते.

भारत-गियाना यांचे संबंध पुरावा म्हणून पंतप्रधान मोदींना ‘की टू द सिटी ऑफ जॉर्जटाउन’ देखील सुपूर्द करण्यात आली. 56 वर्षात कॅरेबियन देश गयानाला भेट देणारे मोदी हे पहिले भारतीय पंतप्रधान आहेत. त्यांच्या आधी १९६८ मध्ये तत्कालीन पंतप्रधान इंदिरा गांधी यांनी गयानाला भेट दिली होती. राष्ट्राध्यक्ष इरफान अली यांच्या निमंत्रणावरून पंतप्रधान मोदी गयानाला पोहोचले असून गुरुवारपर्यंत ते तिथेच राहणार आहेत.
पंतप्रधान मोदींनी यावेळी कृतज्ञता व्यक्त केली.

पंतप्रधान मोदींनी ‘X’ वर लिहिले, ‘मी काही वेळापूर्वी गयानाला पोहोचलो. विमानतळावर स्वागत केल्याबद्दल राष्ट्राध्यक्ष डॉ. इरफान अली, पंतप्रधान मार्क अँथनी फिलिप्स, वरिष्ठ मंत्री आणि इतर मान्यवरांचे आभार. या भेटीमुळे दोन्ही देशांमधील मैत्री आणखी घट्ट होईल, असा मला विश्वास आहे. भारताच्या परराष्ट्र मंत्रालयाने ‘X’ वर पोस्टसह काही फोटो देखील शेअर केली.

पंतप्रधान मोदी यांनी हॉटेलमध्ये अनिवासी भारतीयांशी संवादही साधला. त्यांनी ‘X’ वर लिहिले, ‘गियानामधील भारतीय समुदायाचे त्यांच्या हार्दिक आणि उत्साही स्वागतासाठी मनापासून आभार. मुळाशी जोडलेले राहण्यात अंतर हा कधीच अडथळा नसतो हे त्यांनी दाखवून दिले आहे. समाज विविध क्षेत्रात आपला ठसा उमटवत असल्याचे पाहून आनंद झाला.

पंतप्रधानांनी आपल्या दौऱ्यादरम्यान काही फोटो शेअर केले आहेत आणि मोदी राष्ट्रपती अली यांची भेट घेतील आणि दोन्ही देशांमधील संबंधांना धोरणात्मक दिशा देण्याबाबत चर्चा करतील. ते गयानाच्या संसदेला संबोधित करतील. दुसऱ्या ‘इंडिया-कॅरीकम’ शिखर परिषदेत ते कॅरिबियन भागीदार देशांच्या नेत्यांनाही भेटणार आहेत.

CARICOM हा 1973 मध्ये स्थापन झालेला 21 देशांचा समूह आहे. पंतप्रधानांनी X वर लिहिले की, भारत भेटीदरम्यान CARICOM सोबत सहकार्य मजबूत करण्यास उत्सुक आहे, गयाना आणि बार्बाडोसने पंतप्रधान मोदींना त्यांच्या संबंधित देशाचे सर्वोच्च सन्मान – ‘ऑर्डर ऑफ एक्सलन्स’ आणि ‘ऑनररी ऑर्डर ऑफ फ्रीडम’ देऊन सन्मानित करतील.

डॉमिनिकाने आधीच त्यांना सर्वोच्च राष्ट्रीय पुरस्कार ‘डॉमिनिका अवॉर्ड ऑफ ऑनर’ देण्याची घोषणा केली आहे. हे पुरस्कार मिळाल्यानंतर पंतप्रधान मोदींना विविध देशांतून मिळालेल्या सन्मानांची संख्या 19 वर पोहोणार आहे. भारतीय परराष्ट्र मंत्रालयाच्या मते, गयानामध्ये भारतीय वंशाचे अंदाजे 3.20 लाख लोक राहतात. 185 वर्षांपूर्वी तेथे आलेला हा सर्वात जुना भारतीय समुदाय आहे.