US Election 2024 Live Updates : ट्रम्प यांना शुभेच्छा देताना मोदी म्हणाले, ‘माझ्या मित्रा…’

ऐतिहासिक निवडणूक विजयाबद्दल मनापासून शुभेच्छा माझ्या मित्रा. “भारत-अमेरिकेची जागतिक रणनितीक भागीदारी भक्कम करण्याचा माझा प्रयत्न असेल. आपण एकत्र येऊन आपल्या लोकांच्या भल्यासाठी तसच जागतिक स्तरावर शांतता, स्थिरता आणि समृद्धी आणण्यासाठी एकत्र काम करु” असं पंतप्रधान मोदी यांनी म्हटलं आहे.

अमेरिकेत राष्ट्राध्यक्षपदाची निवडणूक जिंकल्यानंतर डोनाल्ड ट्रम्प पत्नी मेलेनियासोबत समर्थकांमध्ये पोहोचले आहेत. इथे डोनाल्ड ट्रम्प यांनी भाषण केलं. विजयानंतर ट्रम्प काय म्हणाले? वाचा सविस्तर….

अमेरिकेत राष्ट्राध्यक्षपदाच्या निवडणुकीत डोनाल्ड ट्रम्प यांचा विजय झाला आहे. अमेरिकेच्या मीडिया हाउस फॉक्स न्यूजने ट्रम्प यांच्या विजयाची घोषणा केली आहे.

अमेरिकेन जनतेने आज रात्री @realDonaldTrump बदलाचा स्पष्ट जनादेश दिला आहे, अशी एलॉन मस्क यांनी X वर पोस्ट केली आहे.

डोनाल्ड ट्रम्प जस जसे विजयाच्या जवळ जात आहेत, तसतसा त्यांच्या समर्थकांमध्ये उत्साह वाढत चालला आहे. डोनाल्ड ट्रम्प यांनी जसा 250 इलेक्टोरल मतांचा आकडा पार केला, तसं त्यांच्या समर्थकांनी सेलिब्रेशन सुरु केलं.

अमेरिकन राष्ट्राध्यक्षपदाच्या निवडणुकीत डोनाल्ड ट्रम्प सुरुवातीपासून आघाडीवर होते. ट्रम्प यांच्याकडे 230 मतं असून विजयासाठी अजून 40 इलोक्टोरल मतांची गरज आहे. कमला हॅरिस यांना 205 इलेक्टोरल वोट्स मिळाले आहेत. अमेरिकेत सात स्विंग स्टेट्स आहेत. यात पाच स्विंग स्टेटसमध्ये डोनाल्ड ट्रम्प यांच्याकडे मोठी आघाडी आहे.

अमेरिकन राष्ट्राध्यक्षपदाच्या निवडणुकीत सध्या डोनाल्ड ट्रम्प आघाडीवर आहेत. कमला हॅरिस पिछाडीवर आहेत. अमेरिकन राष्ट्राध्यक्षपदाच्या निवडणुकीत इलेक्टोरल व्होट्स महत्त्वाचे आहेत. यात अमेरिकेतील ज्या सात राज्यांना स्विंग स्टेट्स म्हटलं जातं, म्हणजे कुठल्याही उमेदवाराच्या जय-पराजयात महत्त्वपूर्ण ठरतील, त्याची स्थिती काय? समजून घेऊया.

एरिजोना – ट्रम्प आघाडीवर

जॉर्जिया – ट्रम्प आघाडीवर

मिशिगन – कमला हॅरिस आघाडीवर

नेवादा – अजूनपर्यंत निकाल नाही

नॉर्थ कॅरोलिना – ट्रम्प जिंकले

पेंसिल्वेनिया – ट्रम्प आघाडीवर

विस्कॉन्सिन – ट्रम्प आघाडीवर

अमेरिकेत मतमोजणी सुरु असून निवडणूक रंगतदार बनत चालली आहे. मतमोजणी सुरु झाल्यानंतर बऱ्याचवेळाने कमला हॅरिस यांनी दमदार कमबॅक केलं आहे. कमला हॅरिसकडे आता 179 इल्कोटोरल वोट्स आहेत. डोनाल्ड ट्रम्प 230 जागांवर आघाडीवर आहेत.

रिपब्लिकन उमेदवार डोनाल्ड ट्रम्प आणखी चार राज्यांमध्ये विजय मिळण्याच्या स्थितीमध्ये आहेत. यात टेक्साससारखं महत्त्वाच राज्य सुद्धा आहे. डेमोक्रॅट कमला हॅरिस यांनी डेलावेयरमध्ये विजय मिळवला आहे. अमेरिकी मीडियाने दिलेल्या माहितीनुसार, ट्रम्प यांनी नॉर्थ डकोटा, साऊथ डकोटा आणि व्योमिंगमध्ये विजय मिळवला आहे.

अमेरिकेत राष्ट्राध्यक्षपदाच्या निवडणुकीत मतमोजणीचे कल वेगाने बदलत आहेत. माजी राष्ट्राध्यक्ष रिपब्लिकन उमेदवार डोनाल्ड ट्रम्प यांनी 210 इलेक्टोरल मतं घेऊन आघाडी घेतली आहे. विद्यमान उपराष्ट्राध्यक्ष डेमोक्रॅटिक उमेदवार कमला हॅरिस यांच्याकडे 112 इलेक्टोरल वोट्स आहेत.

मागच्या काही दिवसात हवेची दिशा बदलल्याच स्पष्टपणे जाणवत होतं. मतदानाच्या काही आठवडे आधी अचानक ट्रम्प यांच्यासाठी समर्थन वाढलं होतं. यामागे अनेक कारणं होती. मागच्या 6 महिन्यात अमेरिकन निवडणुकीत अनेक चढ-उतार पहायला मिळाले आहेत. वाचा सविस्तर….

अमेरिकेत राष्ट्राध्यक्षपदासाठी निवडणूक झाली. त्याची मतमोजणी सुरु आहे. मतमोजणीचे कल वेगाने बदलत आहेत. इलेक्टोरल कॉलेजध्ये डोनाल्ड ट्रम्प हे 198 जागांवर आघाडीवर आहेत, तर कमला हॅरिस या नर्वस 99 वर अडकल्या आहेत. डोनाल्ड ट्रम्प यांच्या रिपब्लिकन पार्टीच चिन्ह हत्ती वेगाने पळतोय, तेच कमला हॅरिस यांच्या डेमोक्रॅटिक पार्टीची निशाणी गाढवाची चाल मंदावली आहे.

स्विंग स्टेटसपैकी पेंसिल्वेनियामध्ये कमला हॅरिस यांनी विजय मिळवला आहे. CNN च्या सर्वेनुसार इथल्या मतदारांनी अबॉर्शन नीती अंतर्गत कमला हॅरिस यांचं समर्थन केलं आहे.

माजी राष्ट्राध्यक्ष डोनाल्ड ट्रम्प यांनी मिसौरी आणि ओक्लाहोमा या राज्यात विजय मिळवला आहे. डोनाल्ड ट्रम्प यांनी आता 101 इलेक्टोरल मतं घेऊन आघाडी घेतली आहे. कमला हॅरिस यांच्याकडे 71 इलेक्टोरल मतं आहेत. अमेरिकन राष्ट्राध्यक्षपदाची निवडणूक जिंकण्यासाठी 270 इलेक्टोरल मतं गरजेची आहेत.

अंदाजानुसार कमला हॅरिस या वर्मोंट, मॅसाचुसेट्स, मेरीलँड आणि डिस्ट्रिक्ट ऑफ कोलंबियामध्ये विजय मिळवण्याच्या स्थितीमध्ये आहेत.

अमेरिकेत आत मतदानाचा दिवस आहे. राष्ट्राध्यक्षपदाच्या डेमोक्रॅटिक उमेदवार कमला हॅरिस यांनी एक महत्त्वाच अपील केलं आहे. “आज निवडणुकीचा दिवस आला आहे. आपण देशावर प्रेम करतो, म्हणून मतदान करतो. तुम्ही सर्वांनी आपला आवाज ऐका आणि मतदान करा”

गेल्या काही आठवड्यांपासून भारतीय शेअर मार्केटमध्ये प्रचंड घसरण झाली आहे. त्यातच आज अमेरिकेच्या निवडणुका होणार आहेत. त्यामुळे अमेरिकेच्या निकालाचे भारतीय शेअर मार्केटवर मोठे परिणाम होणार असल्याचं सांगितलं जात आहे.

मतदान सुरू होण्यापूर्वीच उमेदवार कमला हॅरिस यांनी मतदारांना आवाहन केलं आहे. निवडणुकीचा दिवस आला आहे. आज, आपल्याला मतदान करायचं आहे. कारण आपल्याला आपल्या देशावर प्रेम आहे आणि आपल्याला अमेरिकेच्या आश्वासनांवर विश्वास आहे. आपला आवाज ऐका आणि मतदान करा, असं आवाहन कमला हॅरिस यांनी केलं आहे.

अमेरिकेत मतदानाला सुरुवात झाली आहे. या निवडणुकीत कमला हॅरिस विजयी होणार की डोनाल्ड ट्र्म्प याकडे सर्वांचं लक्ष लागलं आहे. या निवडणुकीत कुणाचाही विजय होवो, पण भारतीय अर्थव्यवस्थेवर त्याचा परिणाम होणार असल्याचं सांगितलं जात आहे.

अमेरिकेत मतदानाला सुरुवात झाली आहे. काही राज्यात अमेरिकेच्या वेळेनुसार सकाळी 7 वाजता मतदान सुरू झालं आहे. तर काही राज्यात सकाळी 5 ते 10 वाजेच्या दरम्यान सुरू होणार आहे. या निवडणुकीत कमला हॅरिस जिंकतात की डोनाल्ड ट्रम्प हे पाहणं औचित्याचं ठरणार आहे.

ट्रम्प आणि हॅरिस या दोघांपैकी एकजण काही हजार मतांच्या अंतराने राष्ट्राध्यक्षपदाच्या खुर्चीपर्यंत पोहोचू शकतो. असं झाल्यास हे अमेरिकेच्या इतिहासात पहिल्यांदा होणार नाहीय. अमेरिकेत कुठली 7 राज्य पुढचा राष्ट्राध्यक्ष ठरवण्यात महत्त्वाची भूमिका बजावणार, जाणून घ्या…वाचा सविस्तर…..

भारतात विरोधी पक्ष अनेकदा निवडणुकीच्या निकालानंतर EVM मशीनवरुन गदारोळ करतात. जगातील प्रगत देश असणाऱ्या अमेरिकेत आज राष्ट्राध्यक्ष निवडीसाठी मतदान होत आहे. तिथे मतदान EVM ने होतं की, बॅलेट पेपरवर जाणून घ्या. वाचा सविस्तर…

अमेरिकेत राष्ट्राध्यक्षपदासाठी अनेक राज्यात मतदान सुरु झालय. डियाना आणि केंटकी क्षेत्रात मतदान सुरु झालय. अमेरिकेत एकूण 50 राज्य आहेत. काही राज्यात अजून मतदान सुरु व्हायच आहे. रिपब्लिकन उमेदवार डोनाल्ड ट्रम्प आणि डेमोक्रॅटिक उमेदवार कमला हॅरिस यांच्यात अटी-तटीचा सामना आहे.