Russia-Ukrain War | पुतिन यांनी पुन्हा जगाला दाखवली न्यूक्लियर पावर, ‘या’ घातक विमानाच उड्डाण
Russia-Ukrain War | व्लादिमीर पुतिन यांनी पुन्हा एकदा जगाला ताकद दाखवून दिलीय. स्वत: पुतिन या विमानात सहवैमानिक म्हणून बसले होते. हे विमान खूप घातक आहे. पुतिन यांचा इतिहास पाहता ते टोकाच पाऊल उचलण्यासाठी सुद्धा मागे-पुढे पाहणार नाहीत.
Russia-Ukrain War | युक्रेन बरोबर युद्ध सुरु असताना रशियाने अमेरिकेसह पाश्चिमात्य देशांना पुन्हा एकदा आपली न्यूक्लियर पावर दाखवून दिलीय. अमेरिकेसह नाटो देश युक्रेनला शस्त्रांचा पुरवठा करतायत. त्या पार्श्वभूमीवर दबाव टाकण्यासाठी रशियाने ही चाल खेळली. रशियन राष्ट्राध्यक्ष व्लादिमीर पुतिन यांनी गुरुवारी न्यूक्लियर हल्ला करण्यास सक्षम असलेल्या बॉम्बवर्षक विमानातून सह-वैमानिक म्हणून उड्डाण केलं. पुढच्या महिन्यात रशियात निवडणुका आहेत. त्याआधी मजबूत नेता म्हणून आपली छाप उमटवण हा सुद्धा पुतिन यांचा या उड्डाणामागे उद्देश असू शकतो. रशियात होणाऱ्या निवडणुकीत पुतिन यांचा विजय निश्चित मानला जातोय.
टीयू-160 एम सुपरसॉनिक बॉम्बवर्षक विमानातून पुतिन यांनी जवळपास 30 मिनट उड्डाण केलं. युक्रेन युद्धावरुन पाश्चिमात्य देशांबरोबर तणाव आहे. त्यांना अणवस्त्र शक्तीची ताकद दाखवण हा सुद्धा रशियाचा उद्देश असू शकतो. अपक्ष उमेदवार म्हणून 71 वर्षीय पुतिन निवडणूक लढतायत. रशियाच्या राजकीय व्यवस्थेवर त्यांची मजबूत पकड आहे. मागच्या 24 वर्षात पुतिन यांनी हे साध्य करुन दाखवलय.
अँटी सॅटलाइट टेक्नोलॉजी काय?
अलीकडेच अमेरिकेने दावा केला होता की, रशियाची अवकाशात न्यूक्लियर शस्त्र तैनातीची योजना आहे. त्यावर पुतिन यांनी रशियाचा असा कोणताही इरादा नसल्याच स्पष्ट केलं होतं. रशियाने फक्त अमेरिकेच्या तोडीची अवकाश क्षमता विकसित केलीय असं पुतिन म्हणाले. व्हाइट हाऊसच्या दाव्यानंतर पुतिन यांनी हे वक्तव्य केलं. रशियाने अँटी सॅटलाइट टेक्नोलॉजी विकसित केल्याचा दावा अमेरिकन प्रशासनाने केला होता.