वारंवार हरवतो एसीचा रिमोट? आता फोनने सहज करा एसी कंट्रोल!
अनेक वेळा आपण एसी वापरल्यावर रिमोट इथे-तिथे ठेवतो आणि नंतर तो शोधण्यात वेळ घालवतो. पण आता तुम्हाला एसीचा रिमोट शोधण्यात वेळ घालवण्याची गरज नाही, कारण तुम्ही तुमच्या स्मार्टफोनला एसीचा रिमोट बनवू शकता.
आजकाल अनेक लोक एसी रिमोट शोधण्यात वेळ घालवतात, विशेषतः जेव्हा रिमोट कुठे ठेवलं हे लक्षात येत नाही. परंतु, आता रिमोट शोधण्यात वेळ वाया घालवण्याऐवजी, तुम्ही स्मार्टफोनचा वापर करून एसीचं कंट्रोल सहजपणे करू शकता. चला तर, जाणून घेऊया स्मार्टफोनने एसी कसा नियंत्रित करायचा.
फोनद्वारे एसी कसा कंट्रोल कराल? आजच्या स्मार्टफोनमध्ये IR ब्लास्टर (Infrared Blaster) ही तंत्रज्ञान असते, जी पूर्वीच्या रिमोट कंट्रोल्समध्ये वापरली जात होती. तुमच्या फोनमध्ये IR ब्लास्टर असल्यास, तुम्ही त्याचा उपयोग एसी रिमोटसारखा करू शकता.
कसं कराल?
सर्वप्रथम, तुम्हाला तुमच्या फोनमध्ये रिमोट कंट्रोल अ‍ॅप डाउनलोड करणं आवश्यक आहे. यासाठी गूगल प्ले स्टोअर किंवा ॲपल ॲप स्टोअरवर जाऊन IR Universal Remote किंवा Galaxy Universal Remote अ‍ॅप्स डाउनलोड करा. अ‍ॅप ओपन करून IR रिमोट ऑप्शन सिलेक्ट करा आणि त्यानंतर एसीचा ब्रँड निवडा. सर्व प्रक्रिया पूर्ण केल्यानंतर तुमचा स्मार्टफोन एसी रिमोट बनून कार्यान्वित होईल.
जर फोनमध्ये IR ब्लास्टर नसेल तर? तुमच्या स्मार्टफोनमध्ये IR ब्लास्टर नसेल, तर काळजी करण्याची गरज नाही. काही एसी ब्रँड्सचे स्वतःचे अ‍ॅप्स असतात, जे Wi-Fi किंवा Bluetooth द्वारे कनेक्ट होतात. तुम्ही तुमच्या एसी ब्रँडचं अ‍ॅप प्ले स्टोअरमध्ये शोधून डाउनलोड करू शकता, आणि त्या अ‍ॅपच्या मदतीने फोनवरून एसी नियंत्रित करू शकता.
आता तुमच्या स्मार्टफोननेच एसी कंट्रोल करा, रिमोट शोधण्यात वेळ घालवण्याची आवश्यकता नाही!
