भारतात काम सुरू करणार आहेत या ‘क्रिप्टोकर्न्सी बँका’, बिटकॉइन खरेदी व विक्रीसाठी कर्ज घेण्यास असतील सक्षम

भारतात काम सुरू करणार आहेत या 'क्रिप्टोकर्न्सी बँका', बिटकॉइन खरेदी व विक्रीसाठी कर्ज घेण्यास असतील सक्षम

नवी दिल्ली : क्रिप्टोकरन्सीच्या भविष्याबाबत सध्या भारतात चर्चा आहे. रिझर्व्ह बँक याबाबत काय निर्णय घेईल हे माहित नाही. दरम्यान, एक अहवाल येत आहे की क्रिप्टोकर्न्सी बँक कॅशा(cryptocurrency bank Cashaa) भारतात आपले कामकाज सुरू करणार आहे. एका अहवालानुसार, कॅशा ऑगस्ट महिन्यात भारतात बिटकॉइन सारखे आभासी चलन बाजारात आणणार आहे. कॅशाचे हे काम पतपुरवठा सहकारी संस्थेमार्फत पूर्ण केले जाईल. जेव्हापासून कॅशाशी संबंधित ही गोष्ट जगजाहिर झाली, तेव्हापासून भारताच्या आर्थिक बाजारामध्ये वाढ झाली आहे. (These cryptocurrency banks will be able to take loans for buying and selling bitcoin in India)

‘इंडियन एक्सप्रेस’ च्या अहवालात म्हटले आहे की, कॅशाने जगातील पहिली क्रिप्टो फायनान्शियल इंस्टीट्युशन युनिकासच्या काही शाखा भारतात सुरु केल्या आहेत. कंपनीने हे काम युनायटेड मल्टीस्टेट क्रेडिट को-ऑपरेटिव्ह सोसायटीच्या मदतीने केले आहे. युनिकास भारतात क्रिप्टो आणि फिएट या दोन्हीशी संबंधित सेवा पुरवते. ही सेवा एकाच बचत खात्यावर दिली जाते. स्वतः कॅशाचे संस्थापक आणि मुख्य कार्यकारी अधिकारी कुमार गौरव यांनी ‘द इंडियन एक्स्प्रेस’ला ही माहिती दिली आहे.

कॅशा(Cashaa)बद्दल जाणून घ्या

कॅशा(Cashaa) बँकेची योजना व्यापक आहे. ही बँक ग्राहकांना क्रिप्टोकरन्सी(cryptocurrency) खरेदी करण्यासाठी कर्ज देऊ इच्छित आहे. याबरोबरच ग्राहकांसाठी बचत खाते उघडण्याचीही योजना आहे. सरकार क्रिप्टोकरन्सीचे नियमन करण्याचेही विचार करीत आहे. प्रश्न आहे की कॅशाला आरबीआय कडून भारतात कोणतीही बँक उघडण्यास परवानगी मिळाली आहे का?

याला दिलेल्या उत्तरात कुमार गौरव यांनी सांगितले की, युनायटेड ही एक मल्टिस्टेट क्रेडिट सहकारी संस्था आहे जी भारतात नोंदणीकृत असून सोसायटीच्या रजिस्ट्रार अंतर्गत काम करते. यामध्ये संबंधित असलेल्या सदस्यांनाच सेवा दिली जाते. त्यामुळे यासाठी रिझर्व्ह बँकेकडून परवानगी घेणे आवश्यक नाही. युनायडेट नॅशनल फेडरेशन ऑफ अर्बन को-ऑपरेटिव्ह बँक्स आणि क्रेडिट सोसायटी लि. (NAFCUB) चा सदस्य देखील आहे. या कंपनीला गुणवत्ता व्यवस्थापन प्रणालीसाठी ISO 9001:2008 चे प्रमाणपत्र मिळाले आहे.

कसे कार्य करते

इंडियन एक्स्प्रेसने सूत्रांच्या आधारे सांगितल्याप्रमाणे, क्रेडिट सहकारी संस्था बँकिंग व्यवसायाकडे लक्ष देत नाही. यासह जे सदस्य संलग्न आहेत, त्यांना कर्जाने पैसे दिले जातात. अशा सोसायट्या आरबीआयच्या कक्षेत येत नाहीत. रिझर्व्ह बँकेचे नियमन व देखरेख टाळण्यासाठी या बँकेचे प्रमोटर क्रेडिट को-ऑपरेटिव्हद्वारे काम करीत आहेत. या सोसायटीने आरबीआयकडून बँकिंग परवानाही घेतलेला नाही. या गोष्टी सूत्रांकडून समोर आल्या आहेत.

भारतात सुरू झाली शाखा

कॅशा युनिकासचा एक भाग असल्याने, कंपनी भारतात बँकिंगच्या संधींचा शोध घेत आहे. कुमार गौरव यांनी स्पष्टीकरण दिले आहे की भारतात ही कंपनी ग्राहकांसाठी खासगी खाती उघडत आहे आणि त्यामध्ये बचत खात्याची सुविधा पुरविली जात आहे. या खात्यासह आपण भारतीय रुपये आणि क्रिप्टो वापरू शकता. क्रिप्टोकरन्सींवर कर्ज घेतले जाऊ शकते किंवा क्रिप्टोकरन्सी खरेदी करण्यासाठी कर्ज देखील घेतले जाऊ शकते. या कामाला प्रोत्साहन देण्यासाठी कंपनीने भारतात आपली शाखा देखील उघडली आहे. येत्या काळात बर्‍याच आधुनिक आणि सुविधासंपन्न शाखा सुरू करण्याची तयारी आहे.

काय आहे आरबीआयचा विचार

दुसरीकडे रिझर्व्ह बँकेने याआधी लोकांना क्रिप्टोकरन्सीबाबत सावध केले होते. त्यावरुन असे दिसून येते की, बिटकॉईन सारख्या क्रिप्टोकरन्सीना भारतात कदाचित परवानगी मिळेल. रिझर्व्हचा विचार आहे की, आगामी काळात बाजारात स्वतःचे डिजिटल चलन बाजारात आणले जावे. रिझर्व्ह बँकही या दिशेने काम करत आहे. बँकेची टीम याच्या तंत्रज्ञानावर काम करत आहे. त्याची बाह्यरेखा काय असेल हे लवकरच कळेल. आरबीआयचे गव्हर्नर शक्तिकांत दास यांनी हे सांगितले आहे. हे पाहता, बिटकॉईन सारख्या क्रिप्टोकरन्सीमध्ये गुंतवणूक केलेल्या गुंतवणूकदारांमध्ये भीतीचे वातावरण आहे. (These cryptocurrency banks will be able to take loans for buying and selling bitcoin in India)

इतर बातम्या

‘विठ्ठलाची कितीही सेवा केली तरी महाराष्ट्राची वाट लावणाऱ्या व्यक्तीला विठ्ठल माफ करणार नाही’, निलेश राणेंचा हल्लाबोल

पृथ्वीबाबांनी मुख्यमंत्र्यांची स्तुती केली की हेटाळणी?; चंद्रकांत पाटलांचा खोचक सवाल