रात्री अंधारात मासे पकडण्यासाठी नदीवर, काका-पुतण्याचा बुडून मृत्यू 

drowning

अहमदनगर : मासे पकडण्यासाठी बंधाऱ्यावर गेलेल्या काका-पुतण्याचा पाण्यात बुडून दुर्देवी मृत्यू झाल्याची घटना समोर आली आहे. अहमदनगरला जामखेड तालुक्यातील चौंडी येथील सीना नदी पात्राजवळ ही घटना घडली आहे. (Ahmednagar two people drowned in river)

तुषार गुलाबराव सोनवणे (22) आणि सतीश बुवाजी सोनवणे (43) असे या मृत काका-पुतण्याचे नाव आहे. काल रात्रीच्या सुमारास ते दोघे मासे पकडण्यासाठी सीना नदी पात्राजवळ गेले होते. सततच्या पावसामुळे नदीच्या पाण्याचा वेग जास्त होता. नदीच्या पाण्याचा अंदाज न आल्याने त्या दोघांचा दुर्देवी मृत्यू झाला.

या घटनेची माहिती मिळताच पोलिसांनी नदीपात्रात रात्री उशिरापर्यंत शोध घेतला. मात्र अंधार असल्याने, तसेच पाण्याचा वेग जास्त असल्याने त्या दोघांना शोधण्यात अपयश आलं. त्यानंतर पोलिसांनी सकाळी शोधमोहिम राबवली असता, अखेर पोलिसांना त्यांचे मृतदेह हाती लागले. या घटनेने परिसरात हळहळ व्यक्त केली जातं आहे.(Ahmednagar two people drowned in river)

संबंधित बातम्या : 

सोनसाखळी चोरांचा सिनेस्टाईल पाठलाग, नाशकात सुट्टीवरील पोलिसाची पत्नीसह धडाकेबाज कामगिरी

कोल्हापुरात मोबाईलचं दुकान फोडलं, साडे 16 लाखांचा मुद्देमाल लंपास