Maharashtra Corona Update| राज्यात दिवसभरात 4161 रुग्णांची कोरोनावर मात, रुग्ण बरे होण्याचे प्रमाण 51.64 टक्क्यांवर

मुंबई : कोरोनाविरोधाच्या लढाईत सरकार, प्रशासन, डॉक्टर, नर्सेस आणि इतर यंत्रणा प्रचंड मेहनत घेत आहेत (Maharashtra corona recovery rate). त्यांच्या या मेहनतीला आता यश मिळताना दिसत आहे. राज्यात आज (24 जून) दिवसभरात 4 हजार 161 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला आहे. राज्यात आतापर्यंत 73 हजार 792 रुग्ण बरे झाले आहेत. त्याचबरोबर राज्यातील रुग्ण बरे होण्याचे प्रमाण (Recovery Rate) 51.64 टक्क्यांवर पोहोचलं आहे, अशी माहिती राज्याचे आरोग्यमंत्री राजेश टोपे यांनी दिली (Maharashtra corona recovery rate).

दिवसभरात तब्बल 3 हजार 890 नवे कोरोनाबाधित रुग्ण

राज्यात एकीकडे कोरोना रुग्णांचं बरे होण्याचं प्रमाण वाढत असलं तरी दुसरीकडे कोरोनाबाधितांचा आकडा वाढतच आहे. राज्यात आज दिवसभरात तब्बल 3 हजार 890 नवे कोरोनाबाधित रुग्ण आढळले. त्यामुळे राज्यातील कोरोनाबाधित रुग्णांची संख्या 1 लाख 42 हजार 900 वर पोहोचली आहे. यापैकी 73 हजार 792 रुग्ण बरे झाले आहेत. सध्या 62 हजार 354 रुग्णांवर उपचार सुरु आहे.

राज्यात दिवसभरात कुठे किती रुग्ण बरे झाले?

मुंबई मंडळ – 3530 रुग्ण (आतापर्यंत एकूण 51 हजार 737)
पुणे मंडळ – 355 (आतापर्यंत एकूण 11 हजार 299)
नाशिक मंडळ – 139 (आतापर्यंत एकूण 3652)
औरंगाबाद मंडळ – 21 (आतापर्यंत एकूण 2562)
कोल्हापूर मंडळ – 24 (आतापर्यंत एकूण 1383)
लातूर मंडळ – 7 (आतापर्यंत एकूण 532)
अकोला मंडळ – 26 (आतापर्यंत एकूण 1448)
नागपूर मंडळ – 59 (आतापर्यंत एकूण 1179)

राज्यात 6 हजार 739 रुग्णांचा कोरोनाने मृत्यू

राज्यात आज दिवसभरात 208 करोनाबाधित रुग्णांच्या मृत्यूंची नोंद करण्यात आली आहे. यापैकी 72 मृत्यू हे गेल्या 48 तासांमधील तर उर्वरित 136 मृत्यू हे दिवसभरातील आहेत. सध्या राज्यातील मृत्यूदर 4.72 टक्के एवढा आहे. राज्यात कोरोनामुळे आतापर्यंत 6 हजार 739 रुग्णांचा मृत्यू झाला आहे.

5 लाख 57 हजार 948 नागरिक होम क्वारंटाईनमध्ये

राज्यात आजपर्यंत पाठविण्यात आलेल्या 8 लाख 23 हजार 775 नमुन्यांपैकी 1 लाख 42 हजार 900 नमुने पॉझिटिव्ह (17.34 टक्के) आले आहेत. राज्यात 5 लाख 57 हजार 948 नागरिक होम क्वारंटाईनमध्ये आहेत. सध्या 33 हजार 581 नागरिक संस्थात्मक क्वारंटाईनमध्ये आहेत.

राज्यातील कोरोनाबाधितांची अद्यावत आकडेवारी