Maharashtra Corona Update | पुण्यात कोरोनाचे सर्वाधिक सक्रिय रुग्ण, तर मुंबई तिसऱ्या क्रमांकावर

पुणे : पुण्यात कोरोनाबाधितांचा आकडा दररोज वाढत आहे. कोरोनाच्या पार्श्वभूमीवर प्रशासनाकडून अनेक उपाययोजना केल्या जात असल्या तरीही दररोज मोठ्या प्रमाणात नव्या रुग्णांची भर पडत आहे (Maximum Corona active Patients in Pune). पुण्यात कोरोनाचे सर्वाधिक 36 हजार 810 सक्रिय रुग्ण आहेत. तर मुंबईत 23 हजार 704 सक्रिय रुग्ण आहेत. राज्यात सर्वाधिक रुग्ण मुंबई शहरात आढळले. मात्र, मुंबईतील परिस्थिती आता बऱ्यापैकी नियंत्रणात आली आहे.

राज्यात पुण्यानंतर ठाणे जिल्ह्यात सर्वाधिक सक्रिय रुग्ण आहेत. ठाण्यात सध्या 36 हजार 219 सक्रिय रुग्ण आहेत. तर सर्वाधिक सक्रिय रुग्णांच्या यादीत मुंबईचा तिसरा क्रमांक लागतो. दरम्यान, राज्यात सध्या एकूण 1 लाख 32 हजार 236 सक्रिय कोरोना रुग्ण आहेत (Maximum Corona active Patients in Pune).

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

राज्यात दिवसभरात 8 हजार 369 नवे रुग्ण

राज्यात आज (21 जुलै) दिवसभरात 8 हजार 369 नवे रुग्ण आढळले आहेत. त्यामुळे महाराष्ट्रातील कोरोनाबाधित रुग्णांचा आकडा 3 लाख 27 हजार 31 वर पोहचला आहे. याशिवाय राज्यात आतापर्यंत 12 हजारांपेक्षा जास्त रुग्णांचा कोरोनामुळे मृत्यू झाला आहे.

दिवसभरात 7 हजार 188 रुग्णांना डिस्चार्ज

राज्यात दिवसभरात 7 हजार 188 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. राज्यात आतापर्यंत 1 लाख 82 हजार 217 रुग्ण बरे झाले आहेत. तर 1 लाख 32 हजार 236 रुग्णांवर उपचार सुरु आहेत. राज्यातील रुग्ण बरे होण्याचं प्रमाण 55.72 टक्क्यांवर पोहोचलं आहे, अशी माहिती आरोग्यमंत्री राजेश टोपे यांनी दिली.

दिवसभरात 246 रुग्णांचा मृत्यू

राज्यात दिवसभरात 246 रुग्णांचा कोरोनामुळे मृत्यू झाला आहे. यामध्ये फक्त मुंबईतील 62 रुग्णांचा समावेश आहे. राज्यातील मृत्यूदर हा 3.75 टक्के एवढा आहे. राज्यात आतापर्यंत 12 हजार 276 रुग्णांचा कोरोनामुळे मृत्यू झाला आहे.

राज्यात आजपर्यंत पाठविण्यात आलेल्या 16 लाख 40 हजार 644 नमुन्यांपैकी 3 लाख 27 हजार 31 नमुने पॉझिटिव्ह (19.93 टक्के) आले आहेत. राज्यात 7 लाख 79 हजार 676 नागरिक होम क्वारंटाईनमध्ये आहेत. सध्या 45 हजार 77 नागरिक संस्थात्मक क्वारंटाईनमध्ये आहेत.

राज्यात गेल्या 13 दिवसात किती रुग्ण वाढले?

• 8 जुलै 2020 – 6 हजार 603 रुग्ण
• 9 जुलै 2020 – 6 हजार 875 रुग्ण
• 10 जुलै 2020 – 7 हजार 862 रुग्ण
• 11 जुलै 2020 – 8 हजार 139 रुग्ण
• 12 जुलै 2020 – 7 हजार 827 रुग्ण
• 13 जुलै 2020 – 6 हजार 497 रुग्ण
• 14 जुलै 2020 – 6 हजार 741 रुग्ण
• 15 जुलै 2020 – 7 हजार 975 रुग्ण
• 16 जुलै 2020 – 8 हजार 614 रुग्ण
• 17 जुलै 2020 – 8 हजार 308 रुग्ण
• 18 जुलै 2020 – 8 हजार 348 रुग्ण
• 19 जुलै 2020 – 9 हजार 518 रुग्ण
• 20 जुलै 2020 – 8 हजार 240 रुग्ण
• 21 जुलै 2020 – 8 हजार 369 नवे रुग्ण

Mahafast 100 | बुलेटच्या वेगाने 100 बातम्या, ‘महाफास्ट’ रोज रात्री 7.56 वा. टीव्ही 9 मराठीवर 

राज्यात कुठे किती रुग्ण?