राज्यात दिवसभरात 10 हजार, 24 दिवसात 2 लाखापेक्षा जास्त कोरोना रुग्ण, बाधितांचा आकडा 4 लाखांच्या पार

मुंबई : राज्यात आज (31 जुलै) दिवसभरात कोरोनाचे तब्बल 10 हजार 320 नवे रुग्ण आढळले आहेत (Maharashtra Corona Update). त्यामुळे राज्यातील कोरोनाबाधितांचा आकडा 4 लाख 22 हजार 118 वर पोहोचला आहे. विशेष म्हणजे काल (30 जुलै) दिवसभरात राज्यात सर्वाधिक 11 हजार 147 नव्या रुग्णांची नोंद झाली होती. त्यामुळे दोन दिवसात तब्बल 21 हजार 467 नवे कोरोनाबाधित रुग्ण आढळले आहेत (Maharashtra Corona Update).

24 दिवसात 2 लाख 10 हजार रुग्ण वाढले

राज्यात नव्या कोरोनाबाधितांचा वाढता आकडा चिंता वाढवणारा आहे. राज्यात 6 जुलैपर्यंत कोरोनाबाधितांचा आकडा 2 लाख 11 हजार 387 इतका होता. मात्र, 24 दिवसात हा आकडा दुप्पट वाढला आहे. राज्यात आज कोरोनाबाधितांचा आकडा 4 लाख 22 हजार 118 वर पोहोचला आहे.

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

दिवसभरात 7 हजार 543 रुग्णांनी कोरोनावर मात

राज्यात आज दिवसभरात 7 हजार 543 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. राज्यात आतापर्यंत 2 लाख 56 हजार 158 रुग्ण बरे झाले आहेत. तर 1 लाख 50 हजार 665 रुग्णांवर उपचार सुरु आहेत. राज्यातील रुग्ण बरे होण्याचं प्रमाण 60.68 टक्क्यांवर पोहोचलं आहे, अशी माहिती आरोग्यमंत्री राजेश टोपे यांनी दिली.

दिवसभरात 265 रुग्णांचा मृत्यू

राज्यात आज दिवसभरात 265 रुग्णांचा कोरोनामुळे मृत्यू झाला. यामध्ये फक्त मुंबईतील 53 रुग्णांचा समावेश आहे. राज्यातील मृत्यूदर हा 3.55 टक्के एवढा आहे. राज्यात आतापर्यंत 14 हजार 994 रुग्णांचा कोरोनामुळे मृत्यू झाला आहे.

राज्यात 8 लाख 99 हजार 557 नागरिक होम क्वारंटाईनमध्ये

राज्यात आजपर्यंत पाठविण्यात आलेल्या 21 लाख 30 हजार 98 नमुन्यांपैकी 4 लाख 22 हजार 118 नमुने पॉझिटिव्ह (19.81 टक्के) आले आहेत. राज्यात 8 लाख 99 हजार 557 नागरिक होम क्वारंटाईनमध्ये आहेत. सध्या 39 हजार 535 नागरिक संस्थात्मक क्वारंटाईनमध्ये आहेत.

राज्यात कुठे किती रुगण?