राज्यात कोरोनाचा कहर सुरुच, दोन दिवसात जवळपास 16 हजार नवे रुग्ण

मुंबई : राज्यात दोन दिवसात जवळपास 16 हजार नवे रुग्ण आढळले आहेत (Maharashtra Corona Updates). त्यामुळे कोरोनाबाधितांचा आकडा अडीच लाखांच्या पार गेला आहे. राज्यात आज (12 जुलै) दिवसभरात तब्बल 7 हजार 827 नवे कोरोनाबाधित रुग्ण आढळले आहेत. तर काल (11 जुलै) दिवसभरात सर्वाधिक 8 हजार 139 नवे रुग्ण आढळले होते. राज्यात कोरोनावर मात करणाऱ्या रुग्णांची संख्या वाढत असली तरी नव्या कोरोनाबाधितांचा वाढता आकडा चिंताजनक आहे.

राज्यात आज दिवसभरात 3 हजार 340 रुग्णांनी कोरानावर मात केली. आतापर्यंत 1 लाख 40 हजार 325 रुग्णांनी कोरोनावर मात केली आहे. राज्यातील कोरोनाबाधितांचा एकूण आकडा आता 2 लाख 54 हजार 427 वर पोहोचला आहे. यापैकी 1 लाख 3 हजार 516 रुग्णांवर उपचार सुरु आहे. राज्यातील रुग्ण बरे होण्याचे प्रमाण 55.15 टक्क्यांवर पोहोचलं आहे.

हेही वाचा : बच्चन कुटुंब कोरोनाच्या विळख्यात, ऐश्वर्या-आराध्या यांनाही संसर्ग

राज्यात आज दिवसभरात 178 रुग्णांचा कोरोनामुळे मृत्यू झाला आहे. यामध्ये मुंबईतील 44 आणि ठाणे जिल्ह्यातील 58 रुग्णांचा समावेश आहे. राज्यातील मृत्यूदर सध्या 4.4 टक्के एवढा आहे.

राज्यात आजपर्यंत पाठविण्यात आलेल्या 13 लाख 17 हजार 895  नमुन्यांपैकी 2 लाख 54 हजार 427 ( 19.3 टक्के ) नमुने पॉझिटिव्ह आले आहेत. सध्या राज्यात 6 लाख 86 हजार 150 नागरिक होम क्वारंटाईनमध्ये आहेत तर 47 हजार 801 नागरिक संस्थात्मक क्वारंटाईनमध्ये आहेत.

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

राज्यात गेल्या पाच दिवसात किती रुग्ण वाढले?

8 जुलै 2020 – 6 हजार 603 रुग्ण

9 जुलै 2020 – 6 हजार 875 रुग्ण

10 जुलै 2020 – 7 हजार 862 रुग्ण

11 जुलै 2020 – 8 हजार 139 रुग्ण

12 जुलै 2020 – 7 हजार 827 रुग्ण

राज्यात कुठे किती रुग्ण?