पुण्यात 143 नवे कोरोनाबाधित, एका दिवसातील सर्वाधिक रुग्णसंख्या

पुणे : पुणे जिल्ह्यात एका दिवसातील सर्वाधिक म्हणजे 143 नवीन कोरोनाबाधित रुग्णांची वाढ झाली आहे. त्यामुळे जिल्ह्यातील एकूण कोरोनाग्रस्त रुग्णांची संख्या 1491 वर पोहचली. पुण्यात कोरोना रुग्ण दुप्पट होण्याचे वेग नऊ दिवसांवर गेला आहे. (Pune Corona Patients Increase significantly in a day)

पुणे जिल्ह्यात कालच्या दिवसात (मंगळवार 28 एप्रिल) तीन कोरोनाग्रस्त रुग्णांचा मृत्यू झाला. जिल्ह्यात आतापर्यंत 83 कोरोनाग्रस्त रुग्णांना प्राण गमवावे लागले आहेत. पुणे जिल्ह्यात मंगळवारी 20 रुग्णांना डिस्चार्ज देण्यात आला. आतापर्यंत 230 जण डिस्चार्ज मिळाल्याने घरी गेले आहेत. पुण्यात कोरोना रुग्णांचा दुप्पट होण्याचा वेग सातवरुन तर नऊ दिवसांवर गेला आहे.

राज्यात काल (28 एप्रिल) दिवसभरात तब्बल 729 नवे रुग्ण आढळले. त्यामुळे कोरोनाबाधित रुग्णांचा आकडा 9 हजार 318 वर पोहोचला आहे. विशेष म्हणजे मुंबई आणि पुणे या दोन शहरांमध्ये कोरोनाचा प्रादुर्भाव वेगाने वाढत आहे. मुंबईतील कोरोनाबाधित रुग्णांची संख्या 6 हजारांवर गेली आहे.

हेही वाचा : …तर 18 मेपर्यंत पुण्यातील कोरोना रुग्णांची संख्या 9600 पोहोचण्याचा अंदाज : आयुक्त

पुणे शहरात काल दिवसभरात 122 नवीन कोरोनाबाधित रुग्णांची नोंद झाली आहे. शहरातील एकूण कोरोनाबाधित रुग्णसंख्या 1339 वर गेली आहे. गेल्या चोवीस तासात दोन कोरोनाग्रस्त रुग्णांचा मृत्यू झाला. आतापर्यंत पुण्यात 79 कोरोनाग्रस्त रुग्ण दगावले आहेत. 27 रुग्णांना डिस्चार्ज देण्यात आला असून 73 गंभीर रुग्णांवर उपचार सुरु आहेत. ॲक्टिव्ह कोरोना पॉझिटिव्ह रुग्णांची संख्या 1057 आहे. (Pune Corona Patients Increase significantly in a day)

दरम्यान, पुण्यात कोरोना प्रादुर्भाव वाढलेल्या ठिकाणी पुन्हा अतिरिक्त निर्बंध घालण्याचा पोलिस प्रशासनाचा विचार आहे. यासंदर्भात पोलिस उपायुक्तांनी प्रस्ताव सादर केला. दाट लोकवस्ती असलेल्या आणि नियमांचं उल्लंघन होणाऱ्या भागात अतिरिक्त निर्बंध लावले जातील.

नागरिकांसाठी दीडशे शाळा उपलब्ध करण्यात आल्या असून 15 ते 20 टक्के नागरिक इथे स्वतःची सोय करण्याचा अंदाज आहे. प्रशासन कोणाला हलवणार नसून आपण जागा दिली आहे. निर्णय हा नागरिकांवर अवलंबून आहे, अशी माहिती मनपा आयुक्त शेखर गायकवाड यांनी दिली.

महाराष्ट्रातील ‘कोरोना’ग्रस्तांची ताजी आकडेवारी इथे पाहा :

(Pune Corona Patients Increase significantly in a day)