एक्स्प्रेस वेवर गस्त घालणाऱ्या पोलिसाला ट्रकचा धक्का, जागेवरच मृत्यू
पनवेल हद्दीत पुणे लेनवर चालणाऱ्या ट्रकला मागून एका ट्रेलरने धडक दिल्याने तिथं गस्त घालणाऱ्या सचिन सोनवलकर यांना दोन वाहनाचा धक्का लागला.
रायगड : मुबंई-पुणे महामार्गावर दोन वाहनांची भीषण धडक झाली अआहे. या अपघातामध्ये गस्त घालत असलेल्या पोलीस कर्मचाऱ्याचा मृत्यू झाला आहे. रात्रीच्या सुमारात गाड्यांचा अपघात झाला. यावेळी पोलीस कर्मचारी हे ड्युटीवर होते. पण वाहनांची धडक होताना जोरात धक्का लागल्याने पोलीस कर्मचाऱ्याचा जागीच मृत्यू झाला. (truck trailer accident on mumbai pune expressway police died)
मिळालेल्या माहितीनुसार, रात्री 2.45 च्या सुमारास पनवेल हद्दीत पुणे लेनवर चालणाऱ्या ट्रकला मागून एका ट्रेलरने धडक दिल्याने तिथं गस्त घालणाऱ्या सचिन सोनवलकर यांना दोन वाहनाचा धक्का लागला. गाड्यांचा वेग जास्त असल्यामुळे सचिन सोनवलकर यांना जबरदस्त मार लागला. यामुळे त्यांचा जागीच मृत्यू झाला असल्याची माहिती देण्यात आली आहे.
सदरची घटना कळताच महामार्ग वाहतुक विभागाचे पनवेल पळस्पाचे सर्व अधिकारी घटना स्थळी दाखल झाले. ठाणे वाहतुक विभागाचे अधिक्षक दिगंबर प्रधान यांनीही घटनास्थळी धाव घेतली. घटनास्थळावरून सचिन यांचा मृतदेह ताब्यात घेतला असून तो शवविच्छेदनासाठी नजिकच्या रुग्णालयात पाठवण्यात आला आहे. तर अपघाताचा पुढील तपास पनवेल तालुका पोलीस स्टेशन आणि महामार्ग पोलीस पुढील तपास करत आहे.
दरम्यान, गाड्यांच्या धडकेमध्ये अशा प्रकारे पोलीस कर्मचाऱ्याने जीव गमावल्यामुळे संपूर्ण पोलीस दलावर शोककळा पसरली आहे. पोलिसांनी दिलेल्या माहितीनुसार, अपघाताची माहिती सचिन यांच्या कुटुंबीयांना देण्यात आली आहे. तर सध्या अपघाती वाहनं रस्त्याच्या बाजूला करण्याचं काम सुरू असल्याचं सांगण्यात येत आहे.
इतर बातम्या –
Weather Alert : राज्यात मुसळधार ते अतिमुसळधार पावसाचा इशारा, IMD कडून अलर्ट जारी
Covid Vaccine Update: कोरोना लस देताच प्रकृती बिघडली, जॉन्सन अ‍ॅन्ड जॉन्सन कंपनीनं ट्रायल थांबवलं
#पुणे : पुण्याचा रिकव्हरी रेट देशात सर्वाधिक, 90 टक्क्यांवर जाऊन पोहोचला पुण्याचा रिकव्हरी रेट, कोरोनामुक्त होणाऱ्या रुग्णांच प्रमाण मोठ्या प्रमाणात वाढलं, पॉझिटिव्ह रेट 15.8 टक्क्यांवर, पुण्याचा रिकव्हरी रेट 89.6 टक्के https://t.co/JswvbCm7xk
— TV9 Marathi (@TV9Marathi) October 13, 2020
(truck trailer accident on mumbai pune expressway police died)
