Aloe Vera ने घरच्या घरीच फेशियल कसं करतात? ही आहे प्रोसेस
सुंदर दिसण्यासाठी महिला महागड्या क्रिम आणि अनेक प्रकारचे ब्युटी प्रॉडक्ट्स वापरतात. पण अनेकवेळा असे घडते की पार्लरमध्ये पैसे खर्च करूनही चेहऱ्याला ती चमक येत नाही, ज्यामुळे मनाला समाधान मिळत नाही.
मुंबई: प्रत्येक महिला तिची त्वचा सुधारण्यासाठी घरगुती उपायांपासून सगळ्या प्रकारचे उपाय करते. सुंदर दिसण्यासाठी महिला महागड्या क्रिम आणि अनेक प्रकारचे ब्युटी प्रॉडक्ट्स वापरतात. पण अनेकवेळा असे घडते की पार्लरमध्ये पैसे खर्च करूनही चेहऱ्याला ती चमक येत नाही, ज्यामुळे मनाला समाधान मिळत नाही. मात्र, प्रत्येक ऋतूमध्ये त्वचेच्या निगा राखण्यासाठी फेशियल वगैरे काही खास केले पाहिजे.
आता प्रत्येक वेळी पार्लरमध्ये जाऊन फेशियल करणं शक्य नाही. आम्ही तुम्हाला फेशियलसाठी काही घरगुती टिप्स सांगणार आहोत. घरी राहूनही तुमचा चेहरा सुधारण्यासाठी तुम्ही दर आठवड्याला एक विशेष प्रकारचे फेशियल सहज करू शकता. ही आहे कोरफडीचा फेस ट्रीटमेंट म्हणजेच कोरफडीचा फेशियल. हे अगदी कमी वेळात घरी तयार करता येते.
कसे बनवायचे आणि त्याचे फायदे जाणून घेऊया
एलोवेरा फेशियल क्रीम बनवण्यासाठी तुम्हाला एलोवेरा जेल, तांदळाचे पीठ, मध आणि कॉफीची आवश्यकता आहे. हा पॅक चेहऱ्यावर लावल्याने चेहऱ्यावर चमक येते. तसेच, तुम्ही तुमच्या वयापेक्षा लहान दिसाल कारण ते उत्कृष्ट एक्सफोलिएटर म्हणून काम करते.
आता फेशियल करण्यासाठी सर्वप्रथम तुम्हाला कोरफडीचा एक मोठा तुकडा आणावा लागेल. नंतर त्याची पाने नीट स्वच्छ करून मधोमध कापून घ्या. यानंतर त्या पानावर एक चमचा तांदळाचे पीठ आणि एक चमचा मध घ्या. त्यानंतर सुमारे पाच मिनिटे संपूर्ण चेहरा स्क्रब करा. अशा प्रकारे, तुमची त्वचा प्रथम चांगली एक्सफोलिएट होईल. यानंतर चेहरा पाण्याने स्वच्छ धुवा.
यानंतर आता कोरफडीचे पान घेऊन त्यावर एक चमचा कॉफी पावडर टाकून चेहऱ्यावर चांगली मसाज करा. सुमारे 4 ते 5 मिनिटे मसाज करा. नंतर पाच मिनिटे राहू द्या. यानंतर चेहरा पाण्याने स्वच्छ धुवा. कॉफी तुमच्या चेहऱ्यावरील टॅनिंग दूर करते. हे फेशियल आठवड्यातून दोनदा करा.
