चिकट केसांची समस्या दूर करण्यासाठी ‘हे’ हेअर मास्क केसांना लावा आणि समस्या दूर करा!

हेअर मास्क

मुंबई : पावसाळ्यात चिकटपणापासून त्वचेची आणि केसांची काळजी घेणे अतिशय महत्वाचे आहे. बहुतेक स्त्रियांना लांब सडक, काळेभोर केस आवडतात. मात्र, पावसाळ्याच्या हंगामात केसांच्या अनेक समस्या निर्माण होतात. विशेष करून पावसाळ्याच्या हंगामात केस गळती मोठ्या प्रमाणात होते. ज्यामुळे टक्कल पडण्याची अधिक शक्यता असतो. (Apply this hair mask to the hair to eliminate the problem of sticky hair)

पावसाळ्यात आपण काही हेअर मास्क आपल्या केसांना लावले पाहिजेत. ज्यामुळे केस गळतीची समस्या दूर होण्यास मदत मिळते. पावसाळ्यामध्ये केस गळतीची समस्या दूर करण्यासाठी आपण केसांना ऑलिव्ह ऑइल आणि कॉफी हेअर मास्क लावला पाहिजे. 2 चमचे ऑलिव्ह ऑईलमध्ये एक चमचा कॉफी पावडर मिसळून कॉफी हेअर मास्क तयार करा. हेअर मास्क केसांपासून मुळापर्यंत सर्व केसांवर लावा.

हा हेअर मास्क कमीतकमी 30 मिनिटे सोडा. ते धुण्यासाठी सौम्य शैम्पू वापरा आणि आपण आठवड्यातून एक किंवा दोनदा हा कॉफी हेअर मास्क पुन्हा पुन्हा वापरू शकता. या कॉफी हेअर मास्कमुळे केस गळती कमी होण्यास मदत मिळते. हा हेअर मास्क घरी तयार करण्यासाठी आपल्याला अंडी, दही आणि लिंबू लागणार आहे. यासाठी दोन अंडी, एक वाटी दही आणि चार चमचे लिंबाचा रस लागणार आहे.

हेअर मास्क तयार करण्यासाठी सर्वात अगोदर वरील तिन्ही गोष्टी एकत्र मिक्स करून घ्या आणि एक जीव करा, हा हेअर मास्क तीस मिनिटांसाठी आपल्या केसांना लावा. त्यानंतर केस कोमट पाण्याने धुवा. सुध्द तूप तीन चमचे, दोन चमचे बेसन पीठ आणि एक चमचा खोबरेल तेल मिक्स करून त्याची चांगली पेस्ट तयार करा आणि ही संपूर्ण पेस्ट आपल्या केसांना लावा. त्यानंतर साधारण वीस ते तीस मिनिटे ही पेस्ट आपल्या केसांवर राहूद्या. त्यानंतर कोमट पाण्याने आपले केस धुवा.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(Apply this hair mask to the hair to eliminate the problem of sticky hair)