Skin Care : सुंदर आणि तजेलदार त्वचेसाठी कॉफी फेसपॅक अत्यंत फायदेशीर, वाचा!

फेसपॅक

मुंबई : आपल्यापैकी बरेच जण आपली सकाळ एक कप कॉफीने सुरू करतात. ज्यामुळे आपल्याला दिवसभर ताजेतवाने वाटते. यात अँटी-ऑक्सिडंट्स असतात. जे केवळ आरोग्यासाठीच नव्हे तर त्वचेसाठी देखील खूप फायदेशीर असतात. तुम्ही फेस स्क्रब, फेस पॅकसह इतर अनेक प्रकारे कॉफी वापरू शकता. ज्यामुळे आपल्या त्वचेच्या अनेक समस्या दूर होण्यास मदत होते. (Coffee Facepack is extremely beneficial for the skin)

स्वच्छ त्वचा

कॉफीमध्ये अँटीऑक्सिडंट्स भरपूर असतात. आपण ते स्क्रब म्हणून वापरू शकता, जे त्वचेवरील मृत त्वचा काढून टाकण्यास आणि सुधारण्यास मदत करते. यासाठी तुम्हाला कॉफी, पांढरी साखर आणि लिंबाचा रस मिसळून जाड पेस्ट तयार करावी लागेल. ही पेस्ट चेहरा आणि मानेवर लावा. पॅक काही काळ सोडा आणि स्क्रब केल्यानंतर कोमट पाण्याने धुवा. हे स्क्रब वापरल्यानंतर तुम्हाला तुमच्या त्वचेमध्ये फरक दिसेल.

वृद्धत्व विरोधी एजंट

जर कॉफी प्यायल्याने तुमचा मूड सुधारतो, तर त्याचा पुढील फायदा जाणून घेतल्याने तुमचे हृदय आनंदी होईल. कॉफी मास्क त्वचा घट्ट करण्यासाठी फायदेशीर आहे. हे त्वचेमध्ये अँटी एजिंग एजंट म्हणून काम करते. हा मास्क बनवण्यासाठी, एक चमचा कॉफी, एक चमचा दही आणि मध घ्या. या सर्व गोष्टी व्यवस्थित मिसळून पेस्ट बनवा. आता हे मिश्रण चेहऱ्यावर लावा आणि त्वचा स्वच्छ करा.

सूजलेले डोळे

शरीरातील रक्ताचा प्रवाह वाढवून कॅफीन कार्य करते आणि नैसर्गिकरित्या त्वचा घट्ट करते. यामुळे डोळ्यांखाली सूज कमी होते. याशिवाय डोळ्यांची सूज कमी करण्यासाठी, उबदार पाण्यात कॉफी मिसळा आणि कॉटन बॉलच्या मदतीने डोळ्यांखाली लावा.

मुरुमाची समस्या

जर तुमच्या चेहऱ्यावर मुरूमाची समस्या असेल तर काॅफी तुमच्यासाठी अत्यंत फायदेशीर आहे. कॉफीमध्ये नैसर्गिक एक्सफोलीएटर्स असतात. यामुळे मुरूमाची समस्या दूर होते. तुम्ही तुमच्या चेहऱ्यावर काॅफी पावडर लावू शकता. ज्यामुळे मृत त्वचा दूर होते आणि मुरुमाची समस्याही कमी होते. याशिवाय 3 चमचे कॉफी पावडर, एक चमचा बेसन, 3 चमचे मध, 2 चमचे कोरफड जेल आणि 2 ते 3 थेंब लैव्हेंडर चांगले मिक्स करा आणि त्याची बारीक पेस्ट तयार करा. ही पेस्ट वीस मिनिटांसाठी आपल्या चेहऱ्यावर लावा.

सूर्याचे हानिकारक किरण

आपल्या सर्वांना माहित आहे की, सूर्याची हानिकारक किरणे आपल्या त्वचेसाठी हानिकारक असतात. या टॅनिंगमुळे पिग्मेंटेशन आणि त्वचा निस्तेज दिसते. कॉफीमध्ये पॉलीफेनॉल असतात. जे सूर्याच्या हानिकारक किरणांपासून संरक्षण करण्यासाठी कार्य करतात. यासाठी एक चमचा कॉफीमध्ये एक चमचा लिंबाचा रस मिसळा. ही पेस्ट 15 मिनिटांसाठी चेहऱ्यावर ठेवा आणि नंतर पाण्याने धुवा.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(Coffee Facepack is extremely beneficial for the skin)