Hair care : पांढऱ्या केसांची समस्या दूर करण्यासाठी ‘हे’ घरगुती उपाय करा!
कमी वयामध्येच केस पांढरे होण्याच्या समस्येमध्ये दिवसेंदिवस वाढ होताना दिसत आहे. केस पांढरे होण्याची अनेक कारणे असू शकतात.
मुंबई : कमी वयामध्ये केस पांढरे होण्याच्या समस्येमध्ये दिवसेंदिवस वाढ होताना दिसत आहे. केस पांढरे होण्याची अनेक कारणे असू शकतात. बर्‍याचदा योग्य पोषणाच्या कमतरतेमुळे आणि अनुवांशिक कारणांमुळे देखील केस पांढरे होऊ लागतात. परंतु, जास्त प्रमाणात तंबाखूचे सेवन, धूम्रपान आणि भावनिक ताण हे देखील केसांच्या या समस्येचे कारण ठरू शकते. विशेष म्हणजे केसांची काळजी न घेतल्यामुळे देखील केस पांढरे होण्याचे प्रमाण वाढले आहे. (Do this home remedy to get rid of the problem of white hair)
पांढरे केस होण्याची समस्या दूर होण्यासाठी आपण केसांना बदाम तेल, जास्वंदाचे तेल आणि खोबरेल तेल मिक्स करून लावले पाहिजे. यामुळे पांढऱ्या केसांची समस्या दूर होण्यास मदत होते. हे तेल आपण आठ दिवसातून तीन ते चार वेळा लावले पाहिजे. हे तेल नेहमी कोमट करून केसांची साधारण दहा मिनिटे मालिश करा. यामुळे पांढरे केस आणि केस गळती थांबण्यास मदत होते.
आल्याचा किस दुधामध्ये टाकून त्याची घट्ट पेस्ट बनवा. ही पेस्ट डोक्याला लावा, आणि 20 मिनीटांनंतर केस धुवा. आठवड्यातून एकदा हे डोक्याला लावा. नारळाच्या तेलामध्ये थोडासा लिंबाचा रस आणि कडीपत्त्याची पाने टाका. हे मिश्रण गरम करा. कडीपत्त्याची पानं काळी होईपर्यंत हे मिश्रण गरम करा. आंघोळ करायच्या दहा मिनीटं आधी या तेलानं डोक्याची मालिश करा.पांढरे केस काळे करण्यासही काळे तीळ खूप उपयुक्त आहेत.
नारळ तेल आणि लिंबू एकत्र मिसळून केसांमध्ये लावल्याने केस लवकर पांढरे होत नाहीत. या मिश्रणामध्ये नारळ तेलाचे दोन भाग आणि लिंबाचा रस एक भाग घालावा. कढीपत्ता नारळाच्या तेलात घाला आणि तो तडतडेपर्यंत गरम होऊ द्या. नंतर हे तेल गाळून त्याने केसांची मालिश करा. सुमारे 30-45 मिनिटांनंतर केस धुवा. आठवड्यातून दोनदा या प्रक्रियेचे अनुसरण करा. यामुळे केसांच्या मुळांची ताकद वाढते आणि केसांना आवश्यक पोषण मिळते.
(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)
संबंधित बातम्या :
Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!
पायांना सतत दुर्गंध येतोय? मग ‘या’ घरगुती टिप्स ट्राय करा नि समस्येतून मुक्त व्हा!
Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare
— TV9 Marathi (@TV9Marathi) February 24, 2021
(Do this home remedy to get rid of the problem of white hair)