Skin Care Tips : दह्यापासून बनवलेले ‘हे’ फेस स्क्रब वापरा आणि चमकदार त्वचा मिळवा!

दही त्वचेसाठी अत्यंत फायदेशीर आहे.

Image Credit source: TV9

मुंबई : दही (Curd) आरोग्यासाठीच नाही तर त्वचेसाठीही फायदेशीर आहे. यात दाहक-विरोधी गुणधर्म देखील आहेत. त्यात लॅक्टिक ऍसिड असते. लॅक्टिक ऍसिड त्वचेवरील (Skin) काळे डाग काढून टाकण्यास मदत करते. हे त्वचेला टवटवीत करण्याचे काम करते. दह्यामध्ये असलेले झिंक मुरुमांशी लढण्याचे आणि तेलाचे उत्पादन नियंत्रित करण्याचे काम करते. स्क्रब (Scrub) म्हणून दही वापरू शकता. तुम्ही घरी दह्यामध्ये काही घटक मिक्स करून फेस स्क्रब बनवू शकता. स्क्रबिंग किंवा एक्सफोलिएटिंग हे स्किनकेअर रूटीनमध्ये अत्यंत आवश्यक आहे.

1. दही आणि तांदळाचे पीठ- हा स्क्रब बनवण्यासाठी 1 चमचा तांदळाचे पीठ घ्या. त्यात 1 चमचा दही घाला. आता त्यात अर्धा चमचा लिंबाचा रस घाला. तुमच्या चेहऱ्यावर स्क्रब लावा आणि 3-5 मिनिटे मसाज करा. कोमट पाण्याने चेहरा धुवा. आपण आठवड्यातून 1 ते 2 वेळा वापरू शकता. यामुळे आपल्या चेहऱ्यावरील कोरडी त्वचा निघून जाण्यास मदत होते.
2. दही, ऑलिव्ह ऑइल, मध- हा स्क्रब बनवण्यासाठी 1 चमचे दही, 2 चमचा ऑलिव्ह ऑईल आणि 1 टीस्पून मध लागेल. एका भांड्यात सर्व साहित्य एकत्र करून पेस्ट बनवा. ही पेस्ट संपूर्ण चेहऱ्यावर लावा. एकदा ते सुकले की, मिश्रण 2-3 मिनिटे चेहऱ्यावर मसाज करा.
3. दही, लिंबाचा रस आणि ओट्स- यासाठी तुम्हाला 1 चमचा दही, 1 चमचा लिंबाचा रस आणि 1 चमचा ओट्सची आवश्यकता असेल. एका भांड्यात सर्व साहित्य मिसळा. हे मिश्रण चेहऱ्यावर लावा. 10 मिनिटे तसेच राहू द्या. त्यानंतर चेहरा पाण्याने धुवा.
4. दही, ओट्स आणि मध- हा स्क्रब बनवण्यासाठी एका भांड्यात 1 चमचा ओट्स घ्या. त्यात 2 चमचा साधे दही घाला. त्यात 1 चमचे मध घाला. सर्व साहित्य एकत्र मिसळा. आता थोड्या पाण्याने चेहरा धुवा. हे मिश्रण चेहऱ्यावर लावा. 5-6 मिनिटे मसाज करा. ते पाण्याने धुवा आणि तुमचे आवडते मॉइश्चरायझर लावा.
5. पपई आणि दही – पपईचा काही तुकडे ब्लेंडरमध्ये टाकून पपईचा लगदा बनवा. आपण आपल्या बोटांनी किंवा काटा वापरून पपईचे काही चौकोनी तुकडे करून लगदा तयार करू शकता. एक चमचा मॅश केलेला पपई आणि ताजे, साधे दही घाला. चेहऱ्यावर आणि मानेवर मिश्रण लावा. स्वच्छ पाण्याने धुण्यापूर्वी 15-20 मिनिटे सोडा.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

विवाहित पुरुषांनी अशी वाढवा ‘ताकद’… काळ्या तिळाचा असा करा वापर…

Health Care : मक्याच्या पिठाचे आरोग्याशी संबंधित फायदे तुम्हाला माहित आहेत? जाणून घ्या हेल्दी माहिती!