Health Tips : चॉकलेट मेडिटेशन केल्याने ताण आणि नैराश्य दूर होण्यास मदत होते, वाचा याबद्दल अधिक !

मेडिटेशन

मुंबई : बरेच लोक तणाव कमी करण्यासाठी योगा आणि मेडिटेशन करतात. गेल्या काही वर्षांमध्ये योगा आणि मेडिटेशन लोकप्रिय झाले आहे. या व्यतिरिक्त लोक वेगवेगळे योगसन आणि मेडिटेशन करतात. त्याचप्रमाणे, चॉकलेट मेडिटेशन हे आपल्याला शारीरिक आणि मानसिकदृष्ट्या मजबूत ठेवण्यास मदत करते. कोरोना काळात बरेच लोक नैराश्य आणि चिंताग्रस्त आहेत. त्यांच्यासाठी हे मेडिटेशन खूप फायदेशीर आहे. (Chocolate Meditation is beneficial for health)

चॉकलेट मेडिटेशन म्हणजे काय

चॉकलेट मेडिटेशनसाठी नियमित डार्क चॉकलेट वापरा. चॉकलेट मेडिटेशन दरम्यान, आपल्याला चॉकलेट खावे लागेल आणि त्याची चव आणि गंध जाणवण्यावरही लक्ष केंद्रित करावे लागेल. हे मेडिटेशन केल्याने नैराश्य, तणाव आणि नकारात्मक विचार कमी करण्यास मदत होईल. डार्क चॉकलेट आपले वजन देखील नियंत्रित ठेवेल. हे आपल्याला सकारात्मक ऊर्जा देते.

चॉकलेट मेडिटेशन कसे करावे

चॉकलेट मेडिटेशन करण्यासाठी, योगाच्या चटईवर शांत ठिकाणी बसा. आपल्या शरीराला आरामदायी करा, एक दीर्घ श्वास घ्या आणि काही सेकंदांसाठी चॉकलेट पहा आणि त्याचा स्वाद जाणण्याचा प्रयत्न करा. यानंतर, नाकाजवळ चॉकलेट घ्या आणि सुगंध घ्या. एका अभ्यासात असे सांगितले गेले आहे की, एका चॉकलेटमध्ये 300 स्वाद असतात.

आपल्या तोंडात चॉकलेटचा तुकडा ठेवा आणि त्याची चव आणि गंधाकडे लक्ष देऊन चॉकलेट खा. काही सेकंद दीर्घ श्वास घ्या आणि सामान्य स्थितीत परत या. आपण पुन्हा ही प्रक्रिया करा. हे मेडिटेशन केल्यानंतर, दीर्घ श्वास घ्या आणि पुन्हा सामान्य स्थितीत परत या.

चॉकलेट खाण्याचे फायदे
चॉकलेट आपला मूड चांगला ठेवतो. तसेच तणाव कमी करण्यास मदत करते. यात 70 टक्के कोको आहे. जे रोगप्रतिकारक शक्ती वाढविण्यात मदत करते. याशिवाय हे वजन नियंत्रणातही ठेवते. कोरोना कालावधीत रोगप्रतिकारक शक्ती वाढविण्यासाठी, आहारात डार्क चॉकलेट खाण्याचा सल्ला देण्यात येत आहे.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Food | ‘या’ पदार्थांना दूर ठेवा आणि हिवाळ्याच्या काळात सर्दी-खोकल्यापासून सुरक्षित राहा!

(Chocolate Meditation is beneficial for health)