Coriander Water Benefits : रोगप्रतिकारक शक्ती वाढवण्यासाठी दररोज सकाळी प्या ‘धण्याचं पाणी’

धण्याचे पाणी

मुंबई : धणे पावडर विशेषतः भारतीय खाद्यपदार्थांमध्ये वापरले जाते. बहुतेक सर्व घरांमध्ये हा एक सामान्य मसाला आहे. धणे खाल्ल्याने आपल्या आरोग्याला अनेक फायदे होतात. मात्र, धण्याचे पाणी जर आपण उपाशी पोटी घेत असाल तर ते अधिक फायदेशीर आहे. धणे पाणी पिण्याचे नेमके आरोग्याला कोणते फायदे होतात आणि हे धणे पाणी कसे तयार करायचे हे आज आपण बघणार आहोत. (Coriander water is beneficial for boosting the immune system)

धणे पाणी तयार करण्याची पद्धत
हे पाणी तयार करण्यासाठी रात्री 1 कप पाण्यात 1 चमचे धणे घाला. सकाळी हे पाणी चाळून घ्या. यानंतर, आपण पाणी पिऊ शकता. हे पाणी पिणे आपल्या आरोग्यासाठी खूप चांगले आहे.

रोगप्रतिकारक शक्ती वाढविण्यासाठी
धणे रोगप्रतिकारक शक्ती वाढविण्यात मदत करतात. त्यामध्ये उपस्थित अँटीऑक्सिडेंट्स शरीरातील मुक्त रॅडिकल्स कमी करण्यास मदत करतात. हे संसर्ग आणि इतर अनेक आजार होण्यापासून प्रतिबंधित करतात.

वजन कमी करण्यास उपयुक्त
धणे पाणी पिण्याने पचन संबंधित अनेक रोग बरे होतात. सकाळी ते घेतल्याने पचनसंस्था निरोगी राहते. यामुळे चयापचय वाढवते आणि वजन कमी करण्यात देखील मदत होते.

केसांसाठी फायदेशीर
धणेमध्ये के, सी आणि ए भरपूर प्रमाणात जीवनसत्त्वे असतात. हे केस मजबूत करण्यास आणि त्यांना वाढविण्यास मदत करतात. आपण केसांच्या चांगल्या आरोग्यासाठी धणे तेल देखील वापरू शकतो.

त्वचेसाठी फायदेशीर
धण्यामध्ये अँटी-फंगल, अँटी-बॅक्टेरियल गुणधर्म असतात. धणे पाण्याचे सेवन केल्याने चेहरा चमकदार होतो. हे आपली त्वचा स्वच्छ आणि निरोगी ठेवण्यास मदत करते. धणे पाणी आपल्या शरीरातून विषारी पदार्थ बाहेर काढण्यास मदत करू शकतात.

इतर फायदे
सकाळी धणे पाणी पिण्याने आपण दिवसभर उत्साही राहतो. हे आपल्या शरीरावर डिटॉक्स करते. मधुमेह ग्रस्त असलेल्यांनी सकाळी धणे पाणी पिण्यापूर्वी डॉक्टरांचा सल्ला घ्यावा, कारण यामुळे रक्तातील साखरेची पातळी कमी होऊ शकते आणि हायपोग्लासीमिया होऊ शकतो.

(टीप : कोणत्याही उपचारांपूर्वी डॉक्टरांचा सल्ला आवश्य घ्यावा.)

संबंधित बातम्या : 

Snoring Issue | जाणून घ्या का उद्भवते घोरण्याची समस्या? ‘या’ सोप्या पद्धती वापरा आणि शांत झोपेचा आनंद घ्या…

(Coriander water is beneficial for boosting the immune system)