रोगप्रतिकारक शक्ती वाढवण्यासाठी दररोज सकाळी प्या आवळ्याचा चहा !
आवळा हे असे सुपर फूड आहे, जे अनेक रोगांपासून बचाव करण्यासाठी वापरले जाऊ शकते.
मुंबई : आवळा हे असे सुपर फूड आहे, जे अनेक रोगांपासून बचाव करण्यासाठी वापरले जाऊ शकते. यामुळे तुमची पचनशक्ती देखील बळकट होईल. तुम्ही आवळा कच्चा, पावडर, लोणचे आणि रस या स्वरूपात खाऊ शकता, जे तुमच्या आरोग्यासाठी देखील खूप फायदेशीर आहे. विशेष म्हणजे दररोज सकाळी रिकाम्या पोटी आपण आवळ्याचा चहा घेतल्याने आपली रोगप्रतिकारक शक्ती मजबूत होते. (Drink amla tea to boost the immune system)
एक आवळा, आले आणि दालचिनी टाकून हा चहा बनवू शकता. या सर्व गोष्टी आपली रोगप्रतिकारक शक्ती वाढवण्यास मदत करतात. चहा बनवण्याच्या भांड्यात अर्धा चमचा किसलेले आले, अर्धा तुकडा दालचिनी, 1 चिरलेला आवळा आणि थोडासे पाणी घालून साधारण 10 मिनिटे उकळवा. या चहात चवीनुसार किंवा अर्धा चमचा गूळ घालू शकता. सध्याच्या कोरोनाच्या काळात तर हा चहा आपण दररोज सकाळी पिला पाहिजे. यामुळे आपली रोगप्रतिकारक शक्ती मजबूत होण्यास मदत होते.
आवळ्यात व्हिटामिन बी 5, व्हिटामिन बी 6, पोटॅशियम आणि मॅग्नेशियम समृद्ध प्रमाणात आढळते. आवळ्यामध्ये भरपूर प्रमाणात अँटी ऑक्सिडेंट असतात, ज्यामुळे रोग प्रतिकारशक्ती वाढण्यास मदत होते. रोज सकाळी ग्लास पाण्यात आवळा पावडर आणि मध प्या. रिकाम्या पोटी हे सेवन केल्याने तुमची पाचन क्रिया मजबूत राहील. आपण दिवसातून 3 ते 4 वेळा फर्मेन्टेड आवळ्याचा वापर करू शकता. रोज त्याचे सेवन केल्याने तोंडातून दुर्गंधी येत नाही, तसेच दिवसभर फ्रेशनेस देखील जाणवतो.
रोज आवळा खाल्ल्याने आपला चेहरा नैसर्गिकरित्या चमकतो. त्यामध्ये उपस्थित अँटीऑक्सिडेंट त्वचेच्या वृद्धत्वाची समस्या कमी करतात. रस पिण्यामुळे सुरकुत्या आणि फाईन लाईन कमी होतात. हे शरीराला डिटॉक्स करण्याचे कार्य देखील करते. ज्या लोकांची हाडे कमकुवत आहेत, त्यांनी आवळा रस सेवन केला पाहिजे. हा रस आपली हाडे मजबूत करण्यासाठी कार्य करते. आवळा शरीरातील खराब कोलेस्ट्रॉल नष्ट करून चांगलं कोलेस्ट्रॉल तयार करण्याचं काम करतो. जर पोटात होणाऱ्या समस्या जसं, जळजळ, गॅस यांसारख्या समस्याही दूर करतो.
(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)
संबंधित बातम्या :
Healthy Food For Typhoid | टायफॉइड तापात ‘या’ 5 गोष्टींचे सेवन ठरेल लाभदायी
चहा-कॉफी की बियर-वाईन, काय पिता तुम्ही… त्याचे फायदे-तोटे तुम्हाला माहिती आहे का?
Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare
— TV9 Marathi (@TV9Marathi) February 24, 2021
(Drink amla tea to boost the immune system)
