दररोज सकाळी जिमला जाण्याचा येतो कंटाळा? मग हे उपाय करा आणि घरीच आपले वजन कमी करा!

जिमला न जाता वजन कमी कमी

Image Credit source: TV9

मुंबई : वाढलेले वजन कमी (Weight loss) करण्यासाठी आज प्रत्येकजण प्रयत्न करताना दिसतो आहे. वजन कमी करण्यासाठी डाएट प्लान, जिम लावणे, रनिंग करणे, आहारावर (Food) विशेष लक्ष देणे हे सर्व केले जाते. मात्र, तरीही वजन कमी होत नाही. शिवाय दिवसभराचा थकवा असल्यामुळे सकाळी अनेकांना जिमला जाण्यासाठी कंटाळा येतो, मग काय…आठ दिवसातून दोन ते तीन वेळा फक्त जिममध्ये जाणे होते. मग वजन कमी होते नाही. आज यावर खास उपाय आम्ही तुम्हाला सांगणार आहोत. जिमला न जाताही तुम्ही वाढलेले वजन (Weight) झटपट कमी करू शकता.

लिंबू पाणी

आपल्या सर्वांनाच माहिती आहे की, लिंबू पाणी हे वजन कमी करण्यासाठी अत्यंत महत्वाचे पेय आहे. लिंबू पाण्यामुळे आपले वजन झटपट कमी होते. लिंबूमध्ये कॅलरीजचे प्रमाण खूपच कमी असते. अशावेळी त्याचे सेवन फायदेशीर ठरते. हे चयापचय देखील सुधारते आणि वजन कमी होते.

दालचिनीचे खास पेय

दालचिनी देखील वजन कमी करण्यासाठी मदत करते. शुगर लेव्हल नियंत्रित ठेवण्यासोबतच वजन कमी करण्यासही दालचिनी उपयुक्त आहे. विशेष म्हणजे दालचिनी स्वयंपाक घरामध्ये आपल्याला सहज मिळते. यामध्ये अँटी-बॅक्टेरियल घटक आढळतात, जे वजन कमी करण्यात मदत करतात.

आवळ्याचा रस

आवळा देखील आपले वाढलेले वजन कमी करण्यासाठी मदत करतो. आवळ्याच्या सेवनाने शरीरातील विषारी पदार्थ बाहेर काढण्यास मदत होते. याच्या सेवनाने वजनही कमी होते. विशेष म्हणजे जर आपण दररोज आवळ्याचे सेवन केले तर रोगप्रतिकारक शक्ती वाढण्यासही मदत होते. आवळ्याचा रस आहारामध्ये नक्की घ्या.

जिऱ्याचे पाणी

जिरे पोटॅशियम, लोह आणि फायबरचा चांगला स्रोत आहे. जिऱ्याच्या पाण्याचे नियमित सेवन केल्यास रोगप्रतिकारक शक्ती मजबूत होण्यास मदत होते. विविध रोगांशी लढण्याव्यतिरिक्त ते वारंवार आजारी पडण्याची शक्यता कमी करण्यास देखील मदत करते. विशेष म्हणजे दररोज सकाळी रिकाम्या पोटी जिऱ्याच्या पाण्याचे सेवन केल्याने वजन कमी होण्यासही मदत होते.

संबंधित बातम्या : 

122 वर्ष जगणारी महिला रोज खायची ‘या’ 3 गोष्टी

Health : उन्हाळ्यात आंब्यापासून बनवलेल्या या 4 स्वादिष्ट आणि आरोग्यदायी पेयांचे सेवन नक्की करा!