Health Tips : मधुमेहाच्या रुग्णासाठी पपई खाणे फायदेशीर आहे का? वाचा याबद्दलचे तज्ज्ञांचे मत…

पपई

मुंबई : मधुमेहाच्या रुग्णांना खाण्यापिण्याबाबत अनेक खबरदारी घ्यावी लागते. उच्च रक्तातील साखरेला मधुमेह म्हणतात. यामध्ये शरीर कमी इन्सुलिन बनवते किंवा त्याचा योग्य वापर करू शकत नाही. इन्सुलिन आपल्या शरीरासाठी खूप महत्वाचे आहे. हे एक संप्रेरक आहे जे अन्नापासून ग्लुकोज शरीराच्या पेशींमध्ये पोहोचवण्याचे काम करते. यामुळे आपल्या शरीराला ऊर्जा मिळते. जर तुम्हाला मधुमेह असेल तर शरीरातील इन्सुलिन संवेदनशीलतेमुळे रक्तातील साखरेची पातळी वाढू लागते. (Eating papaya is beneficial for diabetics)

आपण आहाराकडे का लक्ष दिले पाहिजे

आपण जे खातो त्यातून आपल्या शरीराला ऊर्जा मिळते. आपले शरीर योग्यरित्या कार्य करते. म्हणूनच शरीरात इन्सुलिन खूप महत्वाचे आहे. आरोग्य तज्ञांच्या मते, रक्तातील साखर नियंत्रणात ठेवण्यासाठी, आपला आहार बदला, व्यायाम करा आणि आपली साखरेची पातळी कायम ठेवा. मधुमेही व्यक्तीने काय खावे आणि काय खाऊ नये याबद्दल नेहमीच संभ्रम असतो.

काही तज्ञांचे म्हणणे आहे की, ताजी फळे आणि भाज्या आपल्या आहारात समाविष्ट केल्या पाहिजेत. त्याच वेळी, काहींचा असा विश्वास आहे की, फळांमध्ये फ्रुक्टोजचे प्रमाण जास्त असते. अशा स्थितीत मधुमेही रुग्ण पपई खाऊ शकतात का असा प्रश्न निर्माण होतो. आरोग्य तज्ञांच्या मते, मधुमेहाच्या रुग्णांनी गोड आणि निरोगी फळांचे कमी प्रमाणात सेवन केले पाहिजेत.

पपईचे फायदे

पपईमध्ये जीवनसत्त्वे, खनिजे, अँटीऑक्सिडंट्स आणि फायबर भरपूर असतात. हे आपली पाचन प्रणाली आणि चयापचय सुधारते. यूएस कृषी विभाग (USDA) च्या मते, ताज्या पपईच्या एका कपमध्ये 11 ग्रॅम साखर असते आणि ग्लायसेमिक इंडेक्स 60 असते, ज्यामुळे रक्तातील साखर अचानक वाढत नाही. काही तज्ञांचे म्हणणे आहे की पपई मध्यम ग्लायसेमिक पातळीमुळे फायदेशीर आहे.

काहींना असे वाटते की कमी ग्लायसेमिक इंडेक्समुळे हायपोग्लाइसेमिक होऊ शकते. ज्यामध्ये साखरेची पातळी खूप कमी होते. याव्यतिरिक्त, पपईमध्ये फ्लेव्होनॉइड्स असतात, जे रक्तातील साखर नियंत्रित करण्यास मदत करतात. तुम्ही तुमच्या आहारात एक किंवा दोन फळांचा समावेश करू शकता, पण त्यात साखरेचे प्रमाण कमी असावे. आपल्या आहारात काहीही समाविष्ट करण्यापूर्वी एकदा डॉक्टरांचा सल्ला घ्या.

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(Eating papaya is beneficial for diabetics)